മരണമാണു മുന്നില്‍, പക്ഷേ, ഇവളാണു ഭാഗ്യവതി…..
മരണം നൃത്തമാടുന്ന അവളുടെ കണ്ണുകളിലേക്കു നോക്കി ആ മനുഷ്യന്‍ പറഞ്ഞു, ലോകത്തിലെ ഏറ്റവും വലിയ ഭാഗ്യവതിയാണു നിങ്ങള്‍….. ഇതുപോലൊരു മനുഷ്യന്‍ നിങ്ങളുടെ കൂടെയില്ലായിരുന്നുവെങ്കില്‍ എന്നേ നിങ്ങള്‍ മരിച്ചു മണ്ണടിയുമായിരുന്നു……! തിരുവല്ലയിലെ പുഷ്പഗിരി മെഡിക്കല്‍ കോളജിലെ സെക്യൂരിറ്റി ഗാര്‍ഡിന്റെ വാക്കുകളായിരുന്നു അത്. ആശുപത്രിയില്‍ നിന്നും ഡയാലിസിസ് കഴിഞ്ഞ് ഇറങ്ങിവരികയായിരുന്നു അവള്‍…. അവള്‍ക്കു കരുത്തായി അവളെ താലി ചാര്‍ത്തിയ പുരുഷനും…. ആശുപത്രിയില്‍ ചികിത്സയ്ക്ക് വന്നു പോകുന്നതു കാണുന്നതല്ലാതെ ആ സെക്യൂരിറ്റി ഗാര്‍ഡ് ഇന്നേവരെ ആ മനുഷ്യനോട് കാര്യമായ കുശലാന്വേഷണങ്ങളൊന്നും നടത്തിയിട്ടില്ല….