ആണിന്റെ കുടിയുടെ ആദര്‍ശ ചരിത്രത്തിലേക്ക് ഓരോ പെണ്ണും കുടിച്ചു വാളുവയ്ക്കണം…!!
വേശ്യാഗൃഹത്തിലേക്കു ഭര്‍ത്താവിനെയും ചുമന്നുകൊണ്ടുപോകുന്ന ശീലാവതിയുടെ കഥ നാം ആവര്‍ത്തിച്ചു പറയാറുണ്ട്. എന്നാല്‍ താനിഷ്ടപ്പെടുന്ന ജാരന്റെ/ കാമുകന്റെ/ വേശ്യന്റെ ഗൃഹത്തിലേക്കു ഭാര്യയെയും കൊണ്ടുപോകുന്ന ഒരു ഭര്‍ത്താവിന്റെ കഥ നാം പറയാത്തത് എന്തുകൊണ്ടാണ്? പറയുന്നതു പോയിട്ട്, വേശ്യന്‍ എന്നൊരു പദം തന്നെ സൃഷ്ടിക്കാതെ നാം ഒളിച്ചുകളിക്കുന്നതെന്തുകൊണ്ടാണ്? മദ്യപിച്ച് കുന്തം മറിഞ്ഞ് നടന്ന/ക്കുന്ന നിരവധി പുരുഷന്മാരെ ആദര്‍ശ കലാകാരന്മാരായി പ്രതിഷ്ഠിച്ച ഭാവുകത്വമാണ് നമ്മുടേത്. ചങ്ങമ്പുഴ തൊട്ട് ചുള്ളിക്കാട് വരെയുള്ള കവികള്‍, കരള് ലഹരിയുടെ പക്ഷികള്‍ കൊണ്ടുപോയെന്നു പറഞ്ഞ അയ്യപ്പന്റെ വരികള്‍ കാണാത്ത…