Header Ads

സിനിമ തിയേറ്ററില്‍ 8 വയസുകാരിക്ക് ലൈംഗിക പീഡനം




പൊതുസ്ഥലത്ത് അമ്മയെന്നു തോന്നിപ്പിക്കുന്ന ഒരു സ്ത്രീയുടെ സാന്നിധ്യത്തില്‍ എട്ടു വയസുകാരിക്ക് ക്രൂരമായ ലൈംഗിക പീഡനം. മാതൃഭൂമി ന്യൂസാണ് വാര്‍ത്ത പുറത്തു വിട്ടത്. മലപ്പുറത്തെ ഒരു സിനിമാ തിയേറ്ററിലെ സി സി ടി വിയിലാണ് ഈ ദൃശ്യങ്ങള്‍ പതിഞ്ഞത്. ആഡംബര വാഹനത്തിലെത്തിയ, അമ്പതു വയസു തോന്നിപ്പിക്കുന്നയാളാണ് ഈ ക്രൂരകൃത്യം ഈ പിഞ്ചുകുഞ്ഞിനോടു ചെയ്തത്. 

ബെന്‍സുകാറില്‍ വന്നിറങ്ങി സിനിമ തിയേറ്ററിലെത്തിയ ഇയാള്‍ ഒരു കൈ കൊണ്ട് അമ്മയുടേയും മറുകൈ കൊണ്ട് കുട്ടിയുടേയും സ്വകാര്യഭാഗങ്ങളില്‍ പിടിക്കുന്നതിന്റെ ദൃശ്യങ്ങളാണിത്. ക്രൂരമായ ബാലപീഡനത്തിന്റെ ദൃശ്യങ്ങള്‍ പുറത്തു വിടുക എന്നത് ആശാസ്യകരമല്ല എന്നിരിക്കിലും കുഞ്ഞിനെ പീഡിപ്പിച്ച നരാധമനെയും സ്വന്തം മകളെ കൂട്ടിക്കൊടുത്ത ആ അമ്മയെയും നിയമത്തിനു മുന്നില്‍ കൊണ്ടുവരിക എന്ന ഉദ്യേശത്തോടെയാണ് തങ്ങള്‍ ഈ ദൃശ്യങ്ങള്‍ പുറത്തു വിടുന്നതെന്ന് മാതൃഭൂമി ന്യൂസ് വ്യക്തമാക്കുന്നു. 

ഒരു വശത്ത് സ്ത്രീയും മറുവശത്തായി കുട്ടിയുമിരിക്കുന്നു. കുട്ടിക്ക് പത്തുവയസില്‍ താഴെയും ഒപ്പമുള്ള സ്ത്രീക്ക് 40 വയസോളവും പ്രായം തോന്നിക്കും. കുട്ടി പീഡനത്തിന് ഇരയാകുന്നതായി ഈ സ്ത്രീയ്ക്ക് വ്യക്തമായി അറിയാം. പക്ഷേ, ഒന്നുമറിയില്ല എന്ന ഭാവത്തിലാണ് ഇവരുടെ ഇരിപ്പ്. താന്‍ ഒരു ലൈംഗിക അധിക്രമത്തിന് ഇരയാകുന്നു എന്നു പോലും മനസിലാക്കാന്‍ കഴിയാത്ത നിഷ്‌കളങ്കമായ മുഖഭാവത്തോടെയാണ് ഈ കുട്ടി ഇരിക്കുന്നത്. 

ഇവര്‍ വന്ന ബെന്‍സ് കാറിന്റെ നമ്പര്‍ കെ എല്‍ 46 G 240 ആണെന്നു സംശയിക്കുന്നു. ഈ കാറിലാണ് മൂവരും തിയേറ്ററിലെത്തിയത്. സിനിമ തുടങ്ങുന്നതിനു മുമ്പുതന്നെ ഇവര്‍ വന്നു. പിന്നീട് ഇയാള്‍ ഒരു കൈ സ്ത്രീയുടെ ദേഹത്തും മറുകൈ കുട്ടിയുടെ ദേഹത്തും വച്ച് കൈക്രിയകള്‍ ചെയ്യുകയാണ്. ഇതെക്കുറിച്ച് കൂടുതല്‍ അന്വേഷണം നടത്തേണ്ടത് പോലീസാണ്. 

........................................................................

Sexual harassment to an 8 year old girl at a cinema theatre in Malappuram, Mother support the sexual harassment towards her daughter, Mathrubhoomi, Malayalam news, thamasoma 

No comments

Powered by Blogger.