www.thamasoma.com

Most Popular

Tired of Standing in Queues? Try this

Everyone is busy standing in queues in front of ATM and bank for withdrawing money and exchanging old currency notes.

PV Sindhu win maiden China Open

Ace Indian shuttler PV Sindhu on Sunday kept her nerve and came out with a brilliant performance to defeat China's rising star Sun Yu in a pulsating final and ultimately win the China Open Superseries tournament.

Lungi Down, Lungi Up

Either to ask liquor shops to accept old notes Or ask banks to sell liquor. We can't stand in two lines each day.

This is default featured slide 4 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 5 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

Tuesday, 22 August 2017

സ്ത്രീ ഒളിച്ചോട്ടങ്ങളില്‍ കാമം മാത്രം കാണുന്നവരുടെ ശ്രദ്ധയ്ക്ക്......


 

സ്ത്രീയ്ക്ക് കൂച്ചു വിലങ്ങ് പണിയുന്നവരും അതിലവരെ നിര്‍ബന്ധപൂര്‍വ്വം തളയക്കുന്നവരും ഈ ലേഖനം വായിക്കണം. അടക്കമില്ലാത്തവളെന്നും കാമഭ്രാന്തു പിടിച്ചവളെന്നും അവളെ അധിക്ഷേപിക്കുന്നവര്‍ക്കു വേണ്ടിയാണീ ലേഖനം. ആദ്യമേ പറയട്ടെ, ഈ ലേഖനമെഴുതിയത് തമസോമയുടെ ചീഫ് എഡിറ്റര്‍ ജെസി തുരുത്തേല്‍ അല്ല. ഇത്ര മനോഹരമായി സ്ത്രീമനസ് വായിച്ചയാള്‍ ഒരു പുരുഷനാണ്, അതും ഒരു മുസ്ലീം....! അതേ, സ്ത്രീ ശരീരത്തിലെ കണ്ണുമാത്രം അവശേഷിപ്പിച്ച് ബാക്കിയെല്ലാ ശരീര ഭാഗങ്ങളും തുണിയില്‍ പൊതിഞ്ഞു കൊണ്ടുനടക്കുന്ന മതവിഭാഗത്തില്‍ പെട്ട ഒരു പുരുഷന്‍. പ്രായപൂര്‍ത്തിയാകും മുമ്പേ സ്ത്രീയെ കെട്ടിച്ചില്ലെങ്കില്‍ അവള്‍ വെടക്കായി പോകുമെന്നു വിശ്വസിക്കുന്ന ഒരു മതത്തില്‍ പെട്ട പുരുഷന്‍.... പക്ഷേ, ഈ പുരുഷനോളം സ്ത്രീമനസിനെ വായിച്ചവര്‍ ആരാണുള്ളത്.....? വായിക്കുക, വിലയിരുത്തുക, ഒപ്പം സ്വന്തം മനസിനെയും ഒന്നു വിശകലനം ചെയ്യുക....നജീബിന്റെ ലേഖനം ഇതാ....


ജീവപര്യന്തം തടവായി മാറുന്ന ദാമ്പത്യം

By Najeeb Moodadi

കെട്ടിയവനെ വേണ്ടെന്ന് വെച്ച് ഒരു പെണ്ണ് വേറൊരുത്തന്റെ കൂടെ പോയി എന്ന് കേട്ടാലുടന്‍, 'കാമഭ്രാന്ത് മൂത്തിട്ട് ഇറങ്ങിപ്പോയവള്‍' എന്നാണ് നമ്മുടെ വിധിയെഴുത്ത്. ഇതിലും മോശമായൊരു ആക്ഷേപം ഒരു പെണ്ണിനെ കുറിച്ച് പറയാനില്ല എന്നത് കൊണ്ട് തന്നെ, 'വേലിചാടാന്‍' ഉദ്ദേശമുള്ള സകല 'അവളുമാര്‍ക്കും' ഒരു താക്കീത് എന്ന നിലക്ക് കൂടിയാണ് ഈ കടുത്ത പ്രയോഗം. 'മാനവും മര്യാദയും' ഉള്ള, 'കുടുംബത്തില്‍ പിറന്ന' ഒരുത്തിക്കും മേലില്‍ ഈ തോന്നല്‍ ഉണ്ടാവാന്‍ പാടില്ല എന്നൊരു ഉദ്ദേശം കൂടി 'കാമഭ്രാന്ത്' എന്ന മോശപ്പെട്ട പ്രയോഗത്തിന് പിന്നില്‍ ഉണ്ട്.

വിവാഹപ്പിറ്റേന്ന് തന്നെ ഭര്‍ത്താവിനെ വേണ്ടെന്ന് വെക്കുന്നത് മുതല്‍, പേരക്കുട്ടികള്‍ ആയ ശേഷം, ഫേസ്ബുക്കിലൂടെ പരിചയപ്പെട്ടവന്റെ കൂടെ ഒളിച്ചോടുന്നതും, അമ്മയുടെ സഹായത്തോടെ കാമുകനായ ബംഗാളിയെ കൊണ്ട് ഭര്‍ത്താവിനെ കൊല്ലിച്ചത് വരെയുമുള്ള വാര്‍ത്തകള്‍ കേള്‍ക്കുമ്പോഴും നമ്മളിങ്ങനെ കോലായയിലെ ചാരുകസേരയില്‍ കിടന്ന് അകത്തു കേള്‍ക്കാന്‍ വിധം ഉറക്കെ, 'പെണ്ണിന്റെ കാമപ്രാന്ത്' എന്ന് രോഷം കൊണ്ട് കാലു വിറപ്പിക്കുമ്പോഴും, അകത്തളങ്ങളില്‍ അമര്‍ന്നു പോകുന്ന നിശ്വാസങ്ങളുടെ കാരണം ഇത് മാത്രമല്ല എന്ന് തിരിച്ചറിയുന്നുണ്ടോ.


 
ദാമ്പത്യത്തില്‍ രതി മാത്രമല്ല, സ്‌നേഹം പ്രണയം ആദരവ് അംഗീകാരം പരിഗണന മതിപ്പ് കരുതല്‍ ഉത്തരവാദിത്തബോധം സുരക്ഷിതത്വം തുടങ്ങിയ ഒരുപാട് കാര്യങ്ങള്‍ ജീവിത പങ്കാളിയില്‍ നിന്ന് പെണ്ണ് ആഗ്രഹിക്കുന്നുണ്ടെന്നും, അങ്ങിനെ പലതിന്റെയും അഭാവത്തില്‍ നിന്നുണ്ടാകുന്ന അങ്ങേയറ്റം മടുപ്പില്‍ നിന്നാണ് പലപ്പോഴും ഒരു കുടുംബിനി അവിഹിതബന്ധത്തിന് മുതല്‍ ഒളിച്ചോട്ടത്തിന് വരെ ധൈര്യം കാണിക്കുന്നതെന്നും അറിയാത്തവരല്ല എല്ലാറ്റിനും 'കാമഭ്രാന്ത്' എന്ന ലേബല്‍ ചാര്‍ത്തി ഒതുക്കാന്‍ ശ്രമിക്കുന്നത്. വിദ്യാഭ്യാസവും അറിവും ആത്മവിശ്വാസവും തന്റേടവും പ്രതികരണശേഷിയും ഉള്ള വനിതകള്‍ ഏറി വരുമ്പോള്‍, 'ഇരുട്ടു കൊണ്ടുള്ള ഈ ഓട്ടയടക്കല്‍' എത്രകാലം തുടരാന്‍ കഴിയും എന്നാണ് ചിന്തിക്കേണ്ടത്.

'കാമഭ്രാന്ത്' എന്ന് നാം മോശപ്പെടുത്തി പറയുന്ന ലൈംഗിക അസംതൃപ്തി തന്നെയാണ് പ്രശ്‌നം എന്ന് കരുതുക. യഥാര്‍ത്ഥത്തില്‍ വിവാഹിതയായ ഒരു സ്ത്രീക്ക് ഭര്‍ത്താവില്‍ നിന്ന് ലഭിക്കേണ്ട ന്യായമായ ഒരു അവകാശം മാത്രമല്ലേ അത്. ജീവിവര്‍ഗ്ഗങ്ങളില്‍ പലതിനും ലൈംഗികത എന്നത് സാന്താനോത്പാദനതിനുള്ള ഉപാധി മാത്രമാണെങ്കില്‍, മനുഷ്യനെ സംബന്ധിച്ചെടുത്തോളം ഏറ്റവും മനോഹരമായ അനുഭൂതിയാണല്ലോ രതി. മാനസികമായും ശാരീരികമായും അതിലൂടെ ലഭിക്കുന്ന അനന്ദത്തിന് പകരം വെക്കാന്‍ പറ്റുന്ന ഒന്നും ഇല്ലെന്നും, ആണിന്റെയും പെണ്ണിന്റെയും ശരീരഘടന പോലും അത് ഏറ്റവും മനോഹരമായി ആസ്വദിക്കാന്‍ പറ്റിയ രീതിയില്‍ ആണ് സൃഷ്ടിക്കപ്പെട്ടത് എന്നുമിരിക്കെ ഒരാളുടെ വിരക്തിയോ കഴിവുകേടോ മൂലം പങ്കാളിക്ക് ആയുഷ്‌കാലം മുഴുവന്‍ ആ അനുഭൂതി നിഷേധിക്കപ്പെടുന്നത് ന്യായമാണോ?

ലൈംഗിക ശേഷിക്കുറവ് ആണ് പ്രശ്‌നമെങ്കില്‍ വിവാഹത്തിന് മുമ്പ് തന്നെ കണ്ടെത്താം എന്നിരിക്കെ, അത് മറച്ചു വെച്ചു കൊണ്ട് ഒരു പെണ്ണിനെ വിവാഹം ചെയ്യുന്നത് അക്രമമല്ലേ. അതിനുമപ്പുറം, അശഌല കഥകളും ദൃശ്യങ്ങളും സൃഷ്ടിച്ച മിഥ്യാധാരണയാണ് പലരുടെയും കിടപ്പറയിലെ ശത്രു. അതുപോലൊന്നും ആയില്ലെങ്കില്‍ പങ്കാളിയെ തൃപ്തിപ്പെടുത്താന്‍ കഴിയില്ല എന്ന അബദ്ധധാരണയില്‍ സംഗതി വേണ്ടെന്ന് വെക്കുന്നവരും, ഉത്കണ്ഠമൂലം എവിടെയും എത്തിക്കാന്‍ കഴിയാത്തവരുമാണ് ഇക്കൂട്ടര്‍.

പണവും പൊങ്ങച്ചവും സാമൂഹ്യമാന്യതയും ഒക്കെയാണ് ജീവിതം എന്ന ധാരണയില്‍ അതിനുവേണ്ടിയുള്ള മണ്ടിപ്പാച്ചിലില്‍ ഊണിലും ഉറക്കത്തിലും പിരിമുറുക്കത്തോടെ കഴിയുന്നവരാണ് മറ്റൊരു കൂട്ടര്‍. കിടപ്പറയില്‍ പോലും ഇവ്വിധ ചിന്തകളുമായി കഴിയുന്ന ഇവര്‍ക്ക് രതി പോലും ഒരു ചടങ്ങ് മാത്രമാണ്. മദ്യത്തിനും മയക്കുമരുന്നിനും മൊബൈല്‍ ഫോണിനും അടിമകളായിപ്പോയവരുടെ കാര്യവും വിഭിന്നമല്ല.

ഇവര്‍ക്കൊക്കെയും ഭാര്യയെ ലൈംഗീകമായി തൃപ്തിപ്പെടുത്താന്‍ കഴിയുന്നില്ല എന്ന അപകര്‍ഷത, അവളെ നിരന്തരമായി കുറ്റപ്പെടുത്തുന്നതിലും ദേഷ്യവും വഴക്കും അധികാരം കാണിക്കലും ഒക്കെയായി ദാമ്പത്യത്തെ നരകമാക്കി മാറ്റുന്നു എന്നതല്ലേ സത്യം.

ഭര്‍ത്താവില്‍ നിന്നും ഒരു പെണ്ണ് ആഗ്രഹിക്കുന്നത് ലൈംഗികസുഖം മാത്രമല്ല. തന്നോട് ഏറെ നേരം സംസാരിക്കാനും നിസ്സാര കാര്യങ്ങള്‍ ആണെങ്കിലും ക്ഷമയോടെ കേള്‍ക്കാനും. മസിലുപിടിത്തം ഇല്ലാതെ ഇടപെടാനും തമാശ പറയാനും സ്‌നേഹിക്കാനും പരിഗണിക്കാനും അംഗീകരിക്കാനും ഗംഭീരമായി പ്രണയിക്കാനും കഴിയുന്ന പുരുഷനെയാണ് അവള്‍ ഇഷ്ടപ്പെടുന്നത്. ശരീര സൗന്ദര്യമോ രൂപ സൗകുമാര്യമോ പണമോ സമൂഹത്തിലെ സ്ഥാനമോ ഒന്നും അവളുടെ വിഷയമേ അല്ല. ഇതൊക്കെ ഉള്ളവനെ വിട്ട് കൂലിപ്പണിക്ക് വന്ന അന്യ സംസ്ഥാനക്കാരന്റെ കൂടെ പെണ്ണ് ഒളിച്ചോടിപ്പോകുന്നതിന്റെ കാരണം ആലോചിച്ചാല്‍ ഇത് മനസ്സിലാവും.

ലൈംഗികതയാണ് പെണ്ണിന്റെ ഒളിച്ചോട്ടത്തിന് കാരണമെങ്കില്‍, ജന്മനാ ചലനശേഷിയില്ലാത്തവരെ പ്രണയിച്ചു ഭര്‍ത്താവായി സ്വീകരിക്കുന്ന, അപകടത്തില്‍ നട്ടെല്ല് തകര്‍ന്നുപോയ ഭര്‍ത്താവിനെ ശുശ്രൂഷിച്ച് ആഹ്ലാദത്തോടെ ജീവിക്കുന്ന എത്രയോ സ്ത്രീകള്‍ നമുക്ക് ചുറ്റും ഇല്ലേ. പെണ്ണിനാണ് ഇങ്ങനെ ഒരു അവസ്ഥയെങ്കില്‍ ഇങ്ങനെ കൂടെ നില്‍ക്കാന്‍ എത്ര പുരുഷന്മാര്‍ ഉണ്ടാകും എന്നും ഓര്‍ക്കുക. അപ്പോള്‍ ആര്‍ക്കാണ് കാമം അടക്കാന്‍ കഴിയാത്തത്.

കൊല്ലങ്ങളോളം കൂടെ കഴിഞ്ഞ ഭര്‍ത്താവ് ഒരിക്കല്‍ പോലും നല്ലത് പറയാത്ത തന്റെ സൗന്ദര്യത്തെ, ശാരീരത്തെ, പാചകത്തെ കുറിച്ചൊക്കെ ഏതോ ബംഗാളിയില്‍ നിന്ന് അഭിനന്ദനത്തോടെയും ആദരവോടെയും നല്ല വാക്ക് കേള്‍ക്കാന്‍ കഴിഞ്ഞവള്‍ ഇനിയുള്ള ജീവിതം അവന്റെ കൂടെയങ്ങ് പൊറുക്കാം എന്ന് കരുതിയാല്‍ അവളെ കുറ്റം പറഞ്ഞിട്ട് കാര്യമുണ്ടോ?

 

തൊട്ടിലില്‍ കിടക്കുന്ന കുഞ്ഞു പോലും പ്രിയപ്പെട്ടവരുടെ ശ്രദ്ധയും പരിഗണനയും കിട്ടാന്‍ എങ്ങനെയൊക്കെ ശ്രമിക്കും എന്നോര്‍ത്താല്‍ അംഗീകാരവും പരിഗണനയും ഒക്കെ ആഗ്രഹിക്കുക എന്നത് മനുഷ്യസഹജമാണെന്നു മനസ്സിലാവും. സ്ത്രീകള്‍ക്ക് പ്രത്യേകിച്ചും. ഏറ്റവും വേണ്ടപ്പെട്ടവരില്‍ നിന്നുള്ള അംഗീകാരമാണ് ആരും ആഗ്രഹിക്കുന്നത്. അത് മനസ്സിലാക്കപ്പെടാതെ പോയാല്‍ എന്ത് ചെയ്യും?

അവഗണന മാത്രമല്ല വഴക്കും പരിഹാസവും ഒന്നിനും കൊള്ളാത്തവള്‍ എന്ന കുറ്റപ്പെടുത്തലും ഒക്കെ ഒരു പെണ്ണിന്റെ ദാമ്പത്യ ജീവിതത്തെ നരകമാക്കുന്നുണ്ട്. സ്വവര്‍ഗ്ഗരതിയും മദ്യപാനവും സിഗരറ്റ് വലിയും മുതല്‍ വൃത്തിയില്ലായ്മയും വായ്‌നാറ്റവും വരെ സഹിക്കേണ്ടി വരുന്ന പെണ്ണിനോട് മാത്രം ക്ലാസ്സെടുത്തു കൊടുക്കേണ്ട കാര്യമല്ല ദാമ്പത്യത്തിന്റെ പവിത്രതയും മഹത്വവും. മറ്റുള്ളവര്‍ക്ക് മുന്നില്‍ മാതൃകാ ദമ്പതികളായി അസൂയപ്പെടുത്തുന്ന പലരുടെയും ദാമ്പത്യം പൊരുത്തപ്പെടാനാകാത്ത വിയോജിപ്പിന്റെയും പൊട്ടിത്തെറികളുടെയും പുകയുന്ന അഗ്‌നി പര്‍വ്വതങ്ങളാണ്.

കുഞ്ഞുങ്ങളെ ഉപേക്ഷിച്ചും ഭര്‍ത്താവിനെ വേണ്ടെന്ന് വെച്ചും ആരുടെയെങ്കിലും കൂടെ ഇറങ്ങിപ്പോകുന്നത് മഹത്തായ കാര്യമാണ് എന്നല്ല പറഞ്ഞു വരുന്നത്. ഇത്രയും തന്റേടം കാണിക്കുന്ന പെണ്ണിന് ദാമ്പത്യം അത്രക്ക് മടുത്തെങ്കില്‍ നിയമപ്രകാരം വേര്‍പിരിയാനും പുനര്‍വിവാഹം ചെയ്യാനും ഉള്ള മാന്യമായ വഴിയുണ്ട്. വീട്ടുകാരെയും കുടുംബക്കാരെയും ഒക്കെയും മാനം കെടുത്തിയും വേദനിപ്പിച്ചും മക്കളെ എന്നെന്നേക്കുമായി അപകര്‍ഷതയിലേക്കും അപമാനത്തിലേക്കും തള്ളിവിട്ടും ഉള്ള ഒളിച്ചോട്ടവും അവിഹിതവുമൊന്നും ഒരിക്കലും ന്യായീകരിക്കപ്പെടാവുന്നതല്ല.

എന്നാല്‍ അത്തരം വാര്‍ത്തകള്‍ കേള്‍ക്കുമ്പോള്‍ കാമഭ്രാന്ത് എന്ന് ഒറ്റയടിക്ക് അടക്കിക്കളയുന്ന നാം, കുടുംബത്തിന്റെ മാനമോര്‍ത്തും, ഒളിച്ചോടാന്‍ ധൈര്യമില്ലാതെയും ദാമ്പത്യം ഒരു ജീവപര്യന്തം തടവുശിക്ഷയായി അനുഭവിച്ചു തീര്‍ക്കുന്ന ഒരുപാട് സ്ത്രീകള്‍ നമുക്ക് ചുറ്റും ഉണ്ടെന്ന് ഓര്‍ക്കണം. ജീവിതത്തില്‍ നിന്ന് തന്നെ ഒളിച്ചോടാനുള്ള മോഹത്തില്‍ നിന്ന് അവരെ പിന്തിരിപ്പിക്കുന്നത് മക്കളുടെ മുഖം മാത്രമാണ്.

www.AnaEzine.webs.com
 
അതുകൊണ്ട് തന്നെ ഏതെങ്കിലും പെണ്ണിന്റെ ഒളിച്ചോട്ടത്തിന്റെയും അവിഹിതത്തിന്റെയും കഥ കേള്‍ക്കുമ്പോള്‍ അതൊക്കെ മറ്റേതിന്റെ കുറവാണ് എന്ന് ആക്ഷേപിക്കുന്നത് മുഴുത്ത അശ്ലീലമാണ്.

ദാമ്പത്യം എന്നത് അടിമ ഉടമ ബന്ധം അല്ലെന്നും ജീവിത പങ്കാളി എന്നാല്‍ തുല്യ അവകാശമുള്ള ഒരു വ്യക്തിയാണ് എന്നും, വിശേഷിച്ചും പെണ്ണിനെ സംബന്ധിച്ചെടുത്തോളം സ്‌നേഹവും പരിഗണനയും ലാളനയും ഒക്കെ മറ്റെന്തിനേക്കാളും വലുതാണ് എന്നതും അവളെ കേള്‍ക്കാനും ചേര്‍ത്തു പിടിക്കാനും കൂടെ ഉണ്ടെന്ന് ധൈര്യം പകരാനും ഒക്കെ മനസ്സുള്ള ആണിനെ ആണ് മസില്‍ പവറിനെക്കാള്‍ അവള്‍ ഇഷ്ടപ്പെടുന്നത് എന്ന ബോധവും ഇല്ലാതെ എല്ലാറ്റിനും കാമഭ്രാന്ത് എന്ന് ഒച്ചവെച്ചുകൊണ്ടിരുന്നാല്‍ മതിയോ?

പരസ്പരം മനസ്സിലാക്കുന്നവരുടെ സന്തോഷം നിറഞ്ഞ ദാമ്പത്യമാണ് ആഹ്ലാദം നിറഞ്ഞ കുടുംബവും സമൂഹവും സൃഷ്ടിക്കുന്നത്.

കൂടെക്കിടക്കുമ്പോഴും മനസ്സ് കൊണ്ട് ഒളിച്ചോടുന്ന ദമ്പതികള്‍ ഏറി വരുന്നൊരു കാലത്ത് പരസ്പരം മനസ്സിലാക്കാനും സ്‌നേഹിക്കാനുമുള്ള
തിരിച്ചറിവുകള്‍ ഉണ്ടാകട്ടെ.

---ADVERTISEMENT---

Before I finish this article I just wanted to say how important communication is and that everybody should be able to communicate all around the world but we can't do that if we don't speak the same languages. Did you learn a foreign language in school? Can you speak it fluently? Don't let those years and money spent be a waste! You can "Speak Any Language Instantly" and it's free. Everybody in the world speaks on of 15 languages. And I give you all 15 languages, for free! After finishing reading my article, please visit www.AnaEzine.webs.com because this 3-minute program will make you fluent and scientist research has shown that speaking a second language fluently will increase the size of the brain, make it disease resistant, and slow down aging so that you live longer and have a quicker mind and more productive life! Now back to my article...

---ARTICLE CONTINUED---

ഇതേപോലെ ദാമ്പത്യജീവിതത്തില്‍ സ്‌നേഹരാഹിത്യവും അവഗണനയും ലൈംഗിക അസംതൃപ്തിയും ഒക്കെ അനുഭവിക്കുന്ന പുരുഷന്മാരില്ലേ എന്ന് സ്വാഭാവികമായും ചോദ്യമുണ്ടാകും. തീര്‍ച്ചയായും ഉണ്ട്. പക്ഷെ പെണ്ണിനെ പോലെ ഇതൊന്നും തുറന്നു പറയാനോ പരിഹാരം തേടാനോ കഴിയാത്ത അവസ്ഥയല്ല പുരുഷന് എന്നതൊരു യാഥാര്‍ഥ്യം മാത്രമാണല്ലോ.
Share:

Monday, 31 July 2017

കുടുംബം അപകടത്തില്‍ പെട്ടതറിഞ്ഞ് ഉള്ളുലഞ്ഞ് എത്തിയ ആ പ്രവാസിയെ മദ്യപാനിയാക്കി എയര്‍പോര്‍ട്ട് ഉദ്യോഗസ്ഥര്‍



പിതാവിന് സുഖമില്ലെന്നറിഞ്ഞ് നാട്ടിലെത്തിയതായിരുന്നു ആ യുവാവ്. നാട്ടിലെത്തി ഒരാഴ്ച കഴിഞ്ഞപ്പോള്‍, വിദേശത്തുള്ള സുഹൃത്ത് വിളിച്ചു, ഭാര്യയും മക്കളും അപകടത്തില്‍ പെട്ട് സീരിയസായി ആശുപത്രിയില്‍ കിടക്കുകയാണ് എന്നറിയിക്കാന്‍. ഒരുപോള കണ്ണടയ്ക്കാതെ, വിങ്ങുന്ന മനസുമായി അയാളാ രാത്രി കഴിച്ചുകൂട്ടി. പിറ്റേന്ന്, തിരിച്ചുപോകാനായി, കരഞ്ഞുകലങ്ങിയ കണ്ണുകളും വിറയ്ക്കുന്ന കാലടികളും ക്ഷീണിച്ച ശരീരവുമായി എയര്‍പോര്‍ട്ടിലെത്തിയ യുവാവിനെ വിമാനത്താവള ഉദ്യോഗസ്ഥര്‍ കണക്കറ്റു കളിയാക്കി. അപമാനിച്ചു. കാരണമറിഞ്ഞ ആ യുവാവ് എല്ലാം മറന്ന് പൊട്ടിത്തെറിച്ചുപോയി. കണ്ണുകള്‍ ചുവന്നു കലങ്ങിയിരിക്കുന്നതും ക്ഷീണിതശരീരവും കണക്കില്‍ കൂടുതല്‍ മദ്യം അകത്തു ചെന്നതിന്റെ ലക്ഷണമാണത്രെ.....!! എയര്‍പോര്‍ട്ടും ഇവിടെ വന്നിറങ്ങുന്ന വിമാനങ്ങളും നിന്റെയൊന്നും അപ്പന്‍ സമ്പാദിച്ചതല്ല എന്നു പറഞ്ഞ് പൊട്ടിത്തെറിച്ച ആ യുവാവിനെ പോലീസ് അറസ്റ്റുചെയ്യാതിരുന്നത് യാത്രക്കാരുടെ സമയോജിതമായ ഇടപെടല്‍ കൊണ്ടു മാത്രം. മനു മോന്‍ ഫേയ്‌സ്ബുക്കില്‍ കുറിച്ചിട്ട വരികള്‍......


'നിന്റെയൊക്കെ അപ്പന്‍ സമ്പാദിച്ച വകയാണോടാ ഈ എയര്‍പോര്‍ട്ടും ഇവിടെ വന്നിറങ്ങുന്ന ഫ്‌ളൈറ്റുകളും.... ' സാമിന്റെ ഉച്ചത്തിലുള്ള അലര്‍ച്ച കേട്ട് ഞാനടക്കം മറ്റുള്ള യാത്രക്കാരെല്ലാം കാര്യമെന്താണെന്നറിയാതെ സാമിനെ പകച്ചു നോക്കി. ഇമിഗ്രേഷന്‍ ഉദ്യോഗസ്ഥര്‍ക്കു നേരെയാണ് സാമിത് പറഞ്ഞതെന്ന് മനസ്സിലായപ്പോഴേക്കും പോലീസ് ഉദ്യോഗസ്ഥര്‍ അവനടുത്ത് എത്തിയിരുന്നു. പിടിച്ചു തള്ളി അവരവിടെ നിന്നും സാമിനെ കൊണ്ടു പോകാന്‍ ശ്രമിച്ചപ്പോഴാണ് ഞങ്ങള്‍ യാത്രക്കാര്‍ ഇടപെട്ടത്. കാര്യമെന്താണെന്നറിയാതെ സാമിനെ കൊണ്ടു പോകാന്‍ പറ്റില്ലെന്ന് ഞങ്ങള്‍ പറഞ്ഞപ്പോള്‍, ആദ്യം അവര്‍ എതിര്‍ത്തെങ്കിലും ഞങ്ങള്‍ യാത്രക്കാര്‍ ഒറ്റക്കെട്ടാണെന്നും പ്രശ്‌നം രൂക്ഷമാകുമെന്നും അവര്‍ക്ക് മനസ്സിലായപ്പോഴാണ് സാമിനെ ഞങ്ങളോട് സംസാരിക്കാന്‍ അവര്‍ അനുവദിച്ചത്.

'തോളില്‍ തട്ടി സാരമില്ല, വിഷമിക്കണ്ട' കാര്യമെന്താണെന്നു പറ. ഞങ്ങളുണ്ട് കൂടെ എന്ന് പറഞ്ഞപ്പോള്‍ സാമിന്റെ കണ്ണുകള്‍ നിറഞ്ഞൊഴുകി. 'ഞാന്‍, എന്റെ അപ്പച്ചന് സുഖമില്ലാതെ ഹോസ്പിറ്റലില്‍ അഡ്മിറ്റാണെന്നറിഞ്ഞ് ഒരാഴ്ച മുന്‍പ് നാട്ടില്‍ വന്നതാ. അപ്പച്ചന് അസുഖം ഭേദമായി പക്ഷേ ദുബായില്‍ നിന്നും എനിക്ക് ഇന്നലെ വന്ന എന്റെ സുഹൃത്തിന്റെ കാള്‍, എന്റെ ഭാര്യയും രണ്ട് മക്കളും അവിടെ വെച്ചുണ്ടായ കാറപകടത്തില്‍ പരിക്ക് പറ്റി ഹോസ്പിറ്റലില്‍ ആണെന്നാണ്. അല്പം സീരിയസാണെന്നാണ് എന്നോടവന്‍ പറഞ്ഞതു. നിങ്ങള്‍ക്കറിയാമോ ഇന്നലെ രാത്രി ഞാന്‍ ഉറങ്ങിയിട്ടില്ല. പാസ്‌പോര്‍ട്ടുമായി ഇമിഗ്രേഷന്‍ ഉദ്യോഗസ്ഥരുടെ മുന്‍പില്‍ ചെന്നപ്പോള്‍ അപമാനിക്കുകയും കളിയാക്കുകയും ചെയ്യുന്ന രീതിയിലുള്ള പെരുമാറ്റം ആയിരുന്നു. കാര്യമെന്താണെന്ന് എനിക്കപ്പോള്‍ മനസ്സിലായിരുന്നില്ല.

അങ്ങോട്ട് മാറി നില്ക്ക്, കുറച്ചു സമയം കഴിഞ്ഞ് വിളിക്കാം എന്ന് എന്നോട് അവര്‍ പറഞ്ഞു. എന്റെ ക്ഷീണം കാരണം ഞാനിവിടുള്ള കസേരയില്‍ വന്നിരുന്നു. അപ്പോഴാണ് അവര്‍ പരസ്പരം എന്നെ അപമാനിക്കുന്ന രീതിയില്‍ ഓരോന്ന് പറയുന്നത് ഞാന്‍ കേട്ടത്. ഞാന്‍ മദ്യം കഴിച്ചു ഓവറായിട്ടാണത്രേ, എന്റെ കണ്ണുകള്‍ ചുവന്നിരിക്കുന്നതും, എന്റെ ശരീരത്തിന് ഇത്രയും ക്ഷീണം തോന്നിക്കുകയും ചെയ്യുന്നതെന്നും ഞാനാ ഫ്‌ളൈറ്റില്‍ യാത്ര ചെയ്താല്‍ സ്ത്രീകളെ അപമാനിക്കാന്‍ ശ്രമിക്കുകയും ചെയ്യുമത്രേ. എന്റെ കരഞ്ഞു കലങ്ങിയ കണ്ണുകള്‍ മദ്യപാനം നിമിത്തമാണെന്ന് പറഞ്ഞാല്‍ ഞാന്‍ സ്ത്രീകളെ അപമാനിക്കാന്‍ ശ്രമിക്കുമെന്ന് പറഞ്ഞാല്‍.

നിങ്ങള്‍ പറയൂ, ഞാനിങ്ങനയല്ലാതെ എങ്ങനെ പ്രതികരിക്കണം. സഹിക്കുന്നതിനും ഒരു പരിധി ഇല്ലേ. എന്റെ കുടുംബത്തിന്റെ അവസ്ഥ ഓര്‍ത്ത് ഞാന്‍ ഒന്നാമതേ മാനസിക നില തെറ്റിയിരിക്കുവാ. ഇതും കൂടി ആയപ്പോള്‍ എന്റെ നിയന്ത്രണം എനിക്ക് നഷ്ടപ്പെട്ടു. അതാ ഞാന്‍ ഇങ്ങനെയൊക്കെ പറഞ്ഞു പോയത്. നീയൊക്കെ അഴിയെണ്ണണമെടാ. ജയിലില്‍ കിടക്കുമ്പഴേ അറിയൂ ഞങ്ങളോട് കളിക്കാന്‍ ശ്രമിച്ചാല്‍ എങ്ങനെയിരിക്കുമെന്ന്. കൂട്ടത്തില്‍ ഒരു ഉദ്യോഗസ്ഥന്‍ ഇതും പറഞ്ഞ് സാമിനു നേരെ കൈ ഉയര്‍ത്താന്‍ ശ്രമിച്ചപ്പോഴാണ് ഞങ്ങള്‍ യാത്രക്കാരില്‍ ഒരാളായ അനന്തന്‍ കേറി ഇടപെട്ടത്..

പിന്നീടങ്ങോട്ട് അനന്തന്‍ പറഞ്ഞ ഓരോ വാക്കുകളും പ്രവാസികളുടെ മേല്‍ എയര്‍പോര്‍ട്ട് ഉദ്യോഗസ്ഥര്‍ കാണിക്കുന്ന ധാര്‍ഷ്ട്യത്തിന്റെ നീറുന്ന യാഥാര്‍ത്ഥ്യങ്ങളായിരുന്നു.

'നീ ഒക്കെ മാസാമാസം എണ്ണി വാങ്ങുന്ന ശമ്പളം ഞങ്ങള്‍ പ്രവാസികളുടെ വിയര്‍പ്പിന്റെ വിലയാ. ഓരോ പ്രവാസികളും ഈ എയര്‍പോര്‍ട്ടിനുള്ളില്‍ എത്തി ചേരുന്നത് പലപല പ്രശ്‌നങ്ങളുമായാണ്. ഉറ്റവരെ പിരിയുന്ന വേദനയും മരണവാര്‍ത്ത അറിഞ്ഞെത്തുന്നവരും, പലവിധ മാരക അസുഖങ്ങളും. അങ്ങനെയങ്ങനെ നിരവധി പ്രശ്‌നങ്ങളാണ് ഓരോ പ്രവാസികളുടെയും മനസ്സിനകത്ത്. നിങ്ങള്‍ ഉദ്യോഗസ്ഥര്‍ ഞങ്ങള്‍ യാത്രക്കാരെ ചായയും കാപ്പിയും തന്നൊന്നും സല്ക്കരിക്കാന്‍ ഞങ്ങള്‍ ആവശ്യപ്പെടുന്നില്ല. പക്ഷെ, നിങ്ങളുടെ മുഖത്തുള്ള ഒരു ചെറു പുഞ്ചിരി, അത്രയെങ്കിലും ചെയ്തൂടെ ഞങ്ങള്‍ പ്രവാസികളുടെയടുത്ത്. പകരം നിങ്ങള്‍ ഞങ്ങളെ പുച്ഛത്തോടെയല്ലാതെ നോക്കിയിട്ടുണ്ടോ.

ഓരോ പ്രവാസിയേയും ഒരു തീവ്രവാദിയുടെ ഭാവത്തോടെയല്ലാതെ നിങ്ങള്‍ പരിഗണിക്കാതിരിക്കുന്നുണ്ടോ, മരുഭൂമിയില്‍ കഷ്ടപ്പെട്ട് ഞങ്ങളുണ്ടാക്കിയ പണം കൊടുത്ത് ഞങ്ങള്‍ വാങ്ങുന്ന തുച്ഛമായ സാധനങ്ങള്‍ക്കു പോലും അതിന്റെ വിലയേക്കാള്‍ ഇരട്ടി നിങ്ങള്‍ നികുതിയായി ആവശ്യപ്പെട്ടപ്പോഴും ഞങ്ങള്‍ പ്രവാസികള്‍ പ്രതികരിക്കാതിരിക്കുന്നത് ഞങ്ങള്‍ക്ക് അതിനുള്ള കഴിവില്ലാഞ്ഞിട്ടല്ല, മറിച്ച് ഞങ്ങളിലൂടെ സ്വന്തം നാട് വികസിക്കുന്നെങ്കില്‍ അങ്ങനെയാകട്ടേ എന്ന് വിചാരിച്ചു മാത്രമാണ്.

അന്യ രാജ്യങ്ങളിലെ എയര്‍പോര്‍ട്ടില്‍ യാത്രക്കാരോട് അവിടുത്തെ ഉദ്യോഗസ്ഥര്‍ പെരുമാറുന്നത് നിങ്ങളൊന്ന് കണ്ടു പഠിക്കണം. അര്‍ക്ക് ഓരോ യാത്രക്കാരും അവരെ സംബന്ധിച്ചിടത്തോളം അതിഥികളാണ്, പക്ഷേ ഇവിടെ നിങ്ങള്‍ക്ക് ഞങ്ങളെ പുച്ഛമാണ്. പ്രായമായ സ്ത്രീകളോടും കുട്ടികളോട് പോലും നിങ്ങളില്‍ പല ഉദ്യോഗസ്ഥരും മാന്യതയില്ലാതെ തന്നെ വേദനിപ്പിക്കുന്ന വാക്കുകളാണ് പറയുന്നത്. കഷ്ടപ്പെട്ട് ഞങ്ങള്‍ പ്രിയപ്പെട്ടവര്‍ക്കായി വാങ്ങി വന്ന സാധനങ്ങള്‍ വെറും ചവര്‍ എറിയുന്ന ലാഘവത്തോടെ നിങ്ങള്‍ വലിച്ചെറിയുന്നത് കാണുമ്പോള്‍ ഞങ്ങള്‍ അനുഭവിക്കുന്ന വേദന നിങ്ങള്‍ക്കും മനസ്സിലാകണമെങ്കില്‍ ഒരിക്കലെങ്കിലും പ്രവാസിയാകണം. സാമിനെ ഞങ്ങള്‍ക്കൊപ്പം യാത്ര ചെയ്യാന്‍ അനുവദിച്ചില്ലെങ്കില്‍ ഞങ്ങള്‍ പ്രവാസികള്‍ ആരെന്ന് നിങ്ങള്‍ അറിയും. ഒരു പ്രശ്‌നം വന്നാല്‍ ഞങ്ങളെല്ലാം ഒരു മനസ്സായി തന്നെ നില്‍ക്കും'.

'അനന്തന്‍ പറഞ്ഞു നിര്‍ത്തിയതും കൂട്ടത്തില്‍ അല്പം മാന്യതയുള്ള ഒന്ന് രണ്ട് നല്ല ഉദ്യോഗസ്ഥര്‍ സാമിനോട് മറ്റുള്ളവര്‍ പറഞ്ഞ പരിഹാസ വാക്കുകള്‍ക്ക് ക്ഷമ ചോദിക്കുകയും അയാളുടെ ദുര്‍വിധിയില്‍ ആശ്വസിപ്പിക്കുകയും യാത്രയുടെ പരിശോധനകളെല്ലാം വേഗത്തില്‍ തന്നെ ശരിയാക്കുകയും ചെയ്തു'.

തക്ക സമയത്ത് നിങ്ങള്‍ യാത്രക്കാര്‍ ഇടപെട്ടില്ലായിരുന്നെങ്കില്‍ എനിക്ക് ജയിലില്‍ കിടക്കേണ്ടി വന്നേനെ, ഒരുപാട് നന്ദിയുണ്ട് നിങ്ങളോടെനിക്ക്. സാം കൈകൂപ്പി കണ്ണു നീരോടെ ഇത് പറഞ്ഞപ്പോള്‍ അറിയാതെ ഞങ്ങളുടെ മിഴിയും നിറഞ്ഞു. മറ്റുള്ളവരുടെ നൊമ്പരങ്ങള്‍ പ്രവാസിയോളം മനസ്സിലാക്കാന്‍ കഴിയുന്നവര്‍ വിരളമാണ്. വന്ദിച്ചില്ലേലും നിന്ദിക്കരുത്. ഓരോ പ്രവാസികളേയും. നീറുന്ന മനസ്സുകളുടെ ഒരു സംഗമ വേദിയാണ് പ്രവാസിയെ സംബന്ധിച്ചിടത്തോളം ഓരോ എയര്‍പോര്‍ട്ടുകളും. വിയര്‍പ്പ് അന്നമാക്കുന്നവര്‍. അതാണ് ഓരോ പ്രവാസികളും.

Share:

Monday, 24 July 2017

പൂച്ചയ്ക്കു മുന്നില്‍ ഉണക്കമീന്‍ വച്ചിട്ട് ദൈവം ഒറ്റ കല്പന....




പൂച്ചയ്ക്കു മുന്നില്‍ ഉണക്കമീന്‍ വച്ചിട്ട് ദൈവം കല്‍പിച്ചു, 'തിന്നരുത് പൂച്ചേ, തിന്നരുത്, തിന്നാല്‍ നിന്നെ ശപിച്ചു കളയും' എന്ന്.... മീന്‍ തിന്നാതിരിക്കാന്‍ പൂച്ച പരമാവധി പരിശ്രമിച്ചു, പക്ഷേ, ഇതിന്റെ മണവും സഹിച്ച് എങ്ങനെ പിടിച്ചു നില്‍ക്കും...? നാടു വിട്ടു പോകാമെന്നു കരുതിയാല്‍, പറുദീസ മാത്രമേ ഭൂമിയില്‍ ഉള്ളു താനും. അപ്പോഴാണ് പാമ്പിന്റെ പ്രലോഭനം... പിന്നെ സഹിക്കാന്‍ കഴിഞ്ഞില്ല... സംഗതി ശുഭം.


ഉണക്ക മീനിനു കാവലിരുന്ന പൂച്ചയുടെ അവസ്ഥ തന്നെയായിരുന്നു ആദിമ (ഇപ്പോഴത്തെയും) മനുഷ്യരായ ആദത്തിനും ഹവ്വായ്ക്കും. പരിപൂര്‍ണ്ണ നഗ്നരായി ഒരു പുരുഷനും സ്ത്രീയും. വെടിമരുന്നും തീയും ഒരിടത്തു വച്ചിട്ട് കത്തരുതെന്നു കല്‍പ്പിച്ചാല്‍ എങ്ങനെ ശരിയാകും....? സൃഷ്ടികര്‍മ്മം നടത്തിയ ദൈവം വസ്ത്രം ധരിച്ചിരുന്നു. ദൈവം നഗ്നനായിരുന്നില്ല. പക്ഷേ, സൃഷ്ടിച്ചു വച്ച രണ്ടു മനുഷ്യര്‍ക്കും വസ്ത്രമേതുമേ നല്‍കിയില്ല.....!! എന്തൊരു ക്രൂരത....!!!!

എന്തായാലും സംഗതി കൈവിട്ടു പോയി. ദൈവം രണ്ടിനെയും ശപിക്കുകയും ചെയ്തു. ഏദന്‍തോട്ടത്തില്‍ നിന്നും പുറത്തായി. ദൈവത്തിന്റെ ഭാഷയില്‍ പാപഫലമായി കായേന്‍ പിറന്നു. നല്ലവനായ അനുജന്‍ ആബേലിന്റെ കൊലയാളിയുമായി. പക്ഷേ, അതേ ശാരീരിക പ്രക്രിയയിലൂടെ തന്നെയല്ലേ ആബേലും ജനിച്ചത്...? അപ്പോള്‍ കായേന്‍ ദുഷ്ടനും ആബേല്‍ നല്ലവനും ആയത് എങ്ങനെ...? അതെങ്ങനെ സംഭവിച്ചു....?

ക്രിസ്ത്യനിക്കു ജനിക്കുന്ന ഓരോ കുഞ്ഞിനും ഉത്ഭവപാപമുണ്ട് എന്നവര്‍ വിശ്വസിക്കുന്നു. എന്താണാ ഉത്ഭവപാപം...? സ്ത്രീയും പുരുഷനും തമ്മില്‍ ശരീരം പങ്കിടുമ്പോള്‍ അതിന്റെ ഉപോത്പന്നമായി ഉണ്ടാകുന്ന ഒന്നാണ് ഓരോ ശിശുക്കളും. അതായത്, ശാരീരിക ബന്ധം പാപമാണ് എന്ന് പറഞ്ഞും പഠിച്ചും വളരുന്നവരാണ് ഓരോ ക്രിസ്ത്യാനിയും. അപ്പോള്‍ ആ ബന്ധത്തിലൂടെ ജനിക്കുന്ന കുഞ്ഞ് പാപത്തില്‍ ജനിച്ചവനാണ്. ഉത്ഭവപാപം കഴുകിക്കളയാനും ക്രിസ്ത്യാനിയാവാനുമാണ് പിഞ്ചുകുഞ്ഞുങ്ങളുടെ തലയില്‍ വെള്ളമൊഴിച്ച് മാമ്മോദീസ മുക്കി ശുദ്ധീകരിച്ചെടുക്കുന്നത്. പിന്നീട് ആദ്യകുര്‍ബ്ബാന കൂടി സ്വീകരിച്ചു കഴിഞ്ഞാല്‍ പിന്നെ ആഴ്ചയില്‍ ആഴ്ചയില്‍ ചെയ്യുന്ന പാപങ്ങള്‍ ആഴ്ചയില്‍ ആഴ്ചയില്‍ പുരോഹിതനെ പറഞ്ഞു കേള്‍പ്പിച്ചു വീണ്ടും വീണ്ടും ആ പാപങ്ങള്‍ തന്നെ ചെയ്യാം. ഈ പാപങ്ങള്‍ തന്നെയല്ലേടോ താന്‍ കഴിഞ്ഞ ആഴ്ചയില്‍ ചെയ്തത് എന്ന് ഒരാളും ചോദിക്കില്ല. അല്ലെങ്കിലും പരമകാരുണികനായ ദൈവം അതെല്ലാം ക്ഷമിക്കും....

ശാരീരിക ബന്ധത്തിലൂടെയല്ലാതെ കുട്ടികളെ ജനിപ്പിക്കാനുള്ള എളുപ്പവും ചെലവു കുറഞ്ഞതുമായ മറ്റൊരു മാര്‍ഗ്ഗവും ദൈവം മനുഷ്യനു നല്‍കിയതുമില്ല. ശാരീരിക ബന്ധം പാപം, വംശം നിലനിര്‍ത്താന്‍ കുട്ടികളെ ജനിപ്പിക്കുകയും വേണം.... ഇതെന്തൊരു ഏര്‍പ്പാട് എന്റെ ദൈവമേ....!!!


വ്യഭിചാരം....


നിയമത്തില്‍ കൂടിയുള്ള ശാരീരക ബന്ധം പോലും നിഷിദ്ധമായ നാട്ടില്‍, വ്യഭിചാരം കൊടിയ പാപം തന്നെ. അവളൊരു ഡ്രൈവിംഗ് സ്‌കൂള്‍ ആണെന്നും ഡ്രൈവിംഗ് പഠിച്ച വണ്ടി ആരും പണം കൊടുത്തു വാങ്ങുകയില്ലെന്നും പറയുന്നതിലെ ക്രൂരമായ തമാശ ആരും മനസിലാക്കുന്നില്ല. ഡ്രൈവിംഗ് പഠിച്ച മഹാന്മാര്‍ എല്ലാം മാന്യന്മാര്‍. വണ്ടി മാത്രം മോശം....

സ്ത്രീയുടെ ചാരിത്ര്യത്തെ ചോദ്യം ചെയ്യാത്ത ഒരു തെറിവാക്കു പോലും മലയാള ഭാഷയിലില്ല. അത് 'തന്തയ്ക്കു പിറക്കാത്തവന്‍' എന്നായാലും കൊള്ളുന്നത് തള്ളയുടെ നെഞ്ചത്താണ്. പൊത്തിപ്പൊതിഞ്ഞു വയ്ക്കുന്ന ഈ ചാരിത്ര്യം തന്നെയാണ് ഹേ കപട സദാചാര വാദികളെ നിങ്ങളുടെ ശാപം.....


പ്രണയം.....എത്രയോ മനോഹരമാണ്....


എത്രയോ മനോഹരമാണ് പ്രണയം....!! പ്രണയം ഉള്ളില്‍ സൂക്ഷിക്കുന്നവരെല്ലാം കാമത്തിനു വേണ്ടി കാത്തിരിക്കുന്നു എന്ന നിലപാടാണ് മലയാളിക്ക്. അതുകൊണ്ടുതന്നെയാണ് ഏതെങ്കിലും ഒരു സ്ത്രീയും പുരുഷനും സംസാരിച്ചാല്‍ ഉടന്‍ ആകാശം ഇടിഞ്ഞുവീണതു പോലെ പലരും പെരുമാറുന്നത്. പ്രണയിക്കുന്ന മനസുകളെ തമ്മില്‍ അകറ്റാന്‍ പരക്കം പായുന്നത്... പ്രണയം ഇല്ലാതെയാക്കാന്‍ കൊല്ലാന്‍ പോലും മടിയില്ലാത്തത്....


പക്ഷേ....മനുഷ്യരുടെ സന്തോഷത്തിനും സമാധാനത്തിനും വേണ്ടി, മനുഷ്യന്‍ തന്നെ സൃഷ്ടിച്ചെടുത്ത ദൈവസങ്കല്പങ്ങള്‍ തന്നെയാണ് മനുഷ്യരുടെ സന്തോഷകരമായ ജീവിതത്തിന്റെ വിലങ്ങുതടികള്‍....

എന്തിനീ അനാവശ്യ ചാരിത്ര്യ പ്രസംഗങ്ങള്‍........ ഉണക്കമീന്‍ ഒന്നുനക്കാന്‍ പോലും കിട്ടാത്ത പൂച്ചയുടെ മൂളലും മുരളലും പ്രത്യാക്രമണങ്ങളും ഒന്നു കാണേണ്ടതു തന്നെ.... വികാരങ്ങളെ അടക്കിപ്പിടിച്ച മനുഷ്യരും അങ്ങനെ തന്നെ... ഞാന്‍ അനുഭവിക്കുന്നില്ല, മറ്റുള്ളവനെ അനുഭവിപ്പിക്കാന്‍ അനുവദിക്കുകയുമില്ല....


നിറുത്തൂ, പിഴച്ചവരെന്ന ആക്രോശം....


പ്രണയം ശരീരത്തിന്റെ സ്വോഭാവികമായ ഒരാവശ്യമാണെന്നും അത് അടിച്ചമര്‍ത്തുകയല്ല, മറിച്ച് അനര്‍ഗ്ഗളം ഒഴുകാന്‍ അനുവദിക്കുകയാണു വേണ്ടതെന്നും കരുതിയാല്‍, കേരളത്തിലെ പകുതിയിലേറെ പ്രശ്‌നങ്ങള്‍ക്കു പരിഹാരമാകും. ഒളിച്ചും പാത്തും സ്ത്രീകള്‍ തുണിമാറുന്നതും പ്രാഥമിക കൃത്യങ്ങള്‍ നിര്‍വ്വഹിക്കുന്നതും ഒന്നും ആരും എത്തിനോക്കുകയില്ല. അത് പകര്‍ത്തി പ്രചരിപ്പിക്കാന്‍ ശ്രമിക്കുകയില്ല. കാണരുത്, അനുഭവിക്കരുത് എന്നെല്ലാം പറയുന്നത് ഏതു വിധേനയും ലംഘിക്കുക എന്നത് മനുഷ്യന്റെ സഹജ സ്വഭാവമായി മാറിക്കഴിഞ്ഞു.

പരപുരുഷ ബന്ധം കൊടിയ പാപമെന്നു പറഞ്ഞും പഠിച്ചും വളരുന്ന ഒരു നാട്ടില്‍, കുടുംബത്തിന്റെ മാനം സ്ത്രീയുടെ തുണിക്കകത്ത് സൂക്ഷിക്കുന്ന ഒരു നാട്ടില്‍, എം വിന്‍സന്റ് എം എല്‍ എ കുറ്റവാളിയാണ്. ഒന്നര വര്‍ഷമായി അനുഭവിച്ചു പോരുന്ന ഒരു ബന്ധം. അതു തുടരാന്‍ ഏതെങ്കിലും ഒരു പാര്‍ട്ടി തീരുമാനിച്ചാല്‍, അത് അവിടെ അവസാനിപ്പിക്കേണ്ടതിനു പകരം, കയറിപ്പിടിച്ച് തന്റേടം കാണിക്കുന്നവര്‍ ക്രിമിനല്‍ തന്നെ. സ്വന്തംഭര്‍ത്താവല്ലാതെ, മറ്റൊരു പുരുഷനെ സ്‌നേഹിക്കാന്‍ ഈ എം എല്‍ എ സ്വന്തം ഭാര്യയെ അനുവദിക്കുമോ...? ഒരിക്കലുമില്ല, കാരണം മാനം കാക്കുക എന്നത് സ്ത്രീയുടെ മാത്രം ഉത്തരവാദിത്വമാണല്ലോ.....


തട്ടുകേടു പറ്റിയാല്‍ പറയാം, എനിക്കു കൂട്ടായി തന്ന ഈ സ്ത്രീയാണ് എന്നെ വഴിതെറ്റിച്ചത് എന്ന്...എന്നെ ഇതിലേക്കു വലിച്ചിഴച്ചത് എന്ന്......

സ്ത്രീയെ പഴച്ചവരെന്നു വിളിക്കുന്നവര്‍ ആലോചിക്കുക.... അവളെ വ്യഭിചാരിയെന്നു വിളിക്കുന്നവര്‍ കരുതിയിരിക്കുക.... നിങ്ങളുടെ ആ വാക്കുകളാണ് നിങ്ങളെ തിരിഞ്ഞുകൊത്തുന്നത്....

പുരുഷന് ജീവിതത്തില്‍ കൂട്ടായി, പരപുരുഷ സ്പര്‍ശമേല്‍ക്കാത്ത സ്ത്രീ തന്നെ വേണം. ആണിനാണെങ്കില്‍ എത്രവേണമെങ്കിലും മറുകണ്ടം ചാടാം, പ്രശ്‌നമില്ല.... അപ്പോള്‍, സ്വന്തം അഭിമാനം സംരക്ഷിക്കാന്‍ അവളുമൊന്നു ശ്രമിക്കില്ലേ.... വരുന്നവന്റെ സുന മുറിച്ചിട്ടോ കോടതി കേറ്റിയിട്ടോ എന്തായാലും.....!!


അതികഠിനമായ ചാരിത്ര്യ നിഷ്ഠയാണ് ഇന്ത്യയുടെ ശാപം, ഇന്ത്യന്‍ ജനത സ്വന്തം അഭിമാനവും അന്തസും സ്ത്രീയുടെ തുടയിടുക്കില്‍ നിന്നും മാറ്റി പ്രതിഷ്ഠിക്കേണ്ടിയിരിക്കുന്നു. പ്രണയം
കൊലപാതകത്തേക്കാള്‍ മാരകമായ പാപമാണെന്നു വിശ്വസിക്കുന്ന സമൂഹത്തോട് വേദമോദിയിട്ട് എന്തുകാര്യം.....?
Share:

Wednesday, 12 July 2017

ഒന്നുകില്‍ അതിനു പിന്നില്‍ ദിലീപാകില്ല, അല്ലെങ്കില്‍ കാരണം അതാകില്ല





നടന്‍ ദിലീപിന്റെ നിലപാടുകളെ എന്നെന്നും വിമര്‍ശിച്ചിട്ടുള്ള ഒരു വ്യക്തിയാണു ഞാന്‍. പക്ഷേ, ദിലീപിന്റെ അറസ്റ്റിലേക്കു നയിച്ചതെന്നു കരുതുന്ന തെളിവുകള്‍ പരിശോധിക്കുമ്പോള്‍, ചില കാര്യങ്ങള്‍ ദഹിക്കാതെ കിടക്കുന്നു. പോലീസ് നടത്തിയത് അത്യന്തം അഭിനന്ദനമര്‍ഹിക്കുന്ന കാര്യങ്ങളാണ്. പ്രശസ്തിയുടെ അത്യുന്നതിയില്‍ നില്‍ക്കുന്ന, പ്രമുഖനായ ഒരു നടനെ അറസ്റ്റുചെയ്യണമെങ്കില്‍, അതിനു പിന്നില്‍ ചങ്കുറപ്പുള്ള കുറെ വ്യക്തികളുടെ (പോലീസ് ഉള്‍പ്പടെ) ഇടപെടലുകള്‍ തന്നെയാണ്. അതില്‍ ഏറ്റവും മുമ്പന്തിയില്‍ നില്‍ക്കുന്നത്, ആക്രമണത്തിന് ഇരയായ നടിയുടെ കരളുറപ്പാണ്. അവള്‍ കാണിച്ച ആ ധൈര്യമില്ലായിരുന്നുവെങ്കില്‍ ഈ കേസ് ഒരിക്കലും തെളിയില്ലായിരുന്നു. കേസിന്റെ മുന്നോട്ടുള്ള നടത്തിപ്പിലും ആ ചങ്കുറപ്പ് അവള്‍ കാണിക്കട്ടെ. ഒപ്പം മുഖ്യമന്ത്രി പിണറായി വിജയനും അഭിന്ദനം അര്‍ഹിക്കുന്നു.

പക്ഷേ, അപ്പോഴും ചില കാര്യങ്ങള്‍ മനസില്‍ ദഹിക്കാതെ കിടക്കുന്നു. നടിയെ ആക്രമിക്കാന്‍ കാരണമായി പോലീസ് പറയുന്ന കാരണത്തിന്റെ ദുര്‍ബലതയാണ് ആദ്യം മനസിലേക്കെത്തുന്നത്. നടിയെ ഇത്തരത്തില്‍ ആക്രമിച്ചതുകൊണ്ട് ദിലീപിനുള്ള നേട്ടമെന്ത്?

ദിലീപും കാവ്യാമാധവനും തമ്മിലുള്ള പ്രണയവും സ്വകാര്യനിമിഷങ്ങളും മുന്‍ഭാര്യ മഞ്ജു വാര്യരോട് ആക്രമണത്തിനിരയായ നടി വെളിപ്പെടുത്തി എന്നതാണ് ഇത്തരത്തില്‍ മൃഗീയമായ ഒരു ക്വട്ടേഷനു പിന്നിലെ ലക്ഷ്യമെന്ന് പോലീസ് വെളിപ്പെടുത്തുന്നു. ക്വട്ടേഷന് വര്‍ഷങ്ങളുടെ പഴക്കമുണ്ട് എന്നാണ് പോലീസ് പറയുന്നത്. ഇരയെ ആക്രമിക്കുവാന്‍ 2013 മുതല്‍ പള്‍സര്‍ സുനി ലക്ഷ്യമിട്ടിരിക്കുകയായിരുന്നുവെന്നും പറയുന്നുണ്ട്. സന്ദര്‍ഭം ഒത്തുകിട്ടിയത് ഇപ്പോഴാണെന്നു മാത്രം.

പക്ഷേ, ഒത്തുവന്ന ആ സന്ദര്‍ഭത്തില്‍ തന്നെയാണ് യഥാര്‍ത്ഥ പ്രശ്‌നം. ഏതാനും മാസങ്ങളെ ആയിട്ടുള്ളു കാവ്യയും ദിലീപുമായുള്ള വിവാഹം നടന്നിട്ട്. വര്‍ഷങ്ങളായി പ്രണയം മനസില്‍ കൊണ്ടുനടന്ന വ്യക്തികള്‍. ഒന്നായിത്തീരണമെന്ന് അതിയായി ആഗ്രഹിച്ച രണ്ടു വ്യക്തികള്‍. കാവ്യയുടെ മുന്‍ഭര്‍ത്താവിന്റെയും കുടുംബാംഗങ്ങളുടേയും മൊഴികള്‍ വിശ്വസിച്ചാല്‍, ആ ബന്ധം തകരാനുള്ള കാരണം പോലും കാവ്യയും ദിലീപുമായുള്ള പ്രണയമാണ്. വീട്ടുകാര്‍ നിശ്ചയിച്ച് നടത്തിക്കൊടുത്ത വിവാഹം വേണ്ടെന്നു വച്ച് തിരിച്ചുവന്നവളാണ് കാവ്യ. ഒടുവില്‍, എല്ലാ പ്രതിബന്ധങ്ങളെയും തരണം ചെയ്ത് അവര്‍ ഒന്നായി. അവര്‍ അത്രയേറെ സ്‌നേഹിച്ചിരുന്നുവെങ്കില്‍, ഒരുമിച്ചുള്ള ഈ ജീവിതത്തിനു നന്ദിപറയേണ്ടത് ആക്രമണത്തിന് ഇരയായ ഈ നടിയോടു തന്നെയല്ലേ? അവളല്ലേ അവരുടെ ഈ ഒത്തുചേരല്‍ വേഗത്തിലാക്കിയത്..? അവളല്ലേ മഞ്ജുവാര്യരുമായുള്ള ദിലീപിന്റെ വേര്‍പിരിയല്‍ സാധ്യമാക്കിയത്...? അങ്ങനെയെങ്കില്‍, വര്‍ഷങ്ങളായി ആഗ്രഹിച്ച ഒരു ജീവിതം സ്വന്തമാക്കാന്‍ സഹായിച്ചതിന് ആ നടിയോട് ദിലീപിന് നന്ദിയല്ലേ ഉണ്ടാവുക...? ഇത്തരത്തില്‍ ക്രൂരമായി അവളെ ഉപദ്രവിക്കുമോ....?

ഇനി മഞ്ജുവാര്യരുമായുള്ള വേര്‍പിരിയല്‍ ദിലീപ് യഥാര്‍ത്ഥത്തില്‍ ആഗ്രഹിച്ചില്ല എങ്കില്‍, മഞ്ജുവിനെ അപ്പോഴും ദിലീപ് സ്‌നേഹിക്കുന്നുണ്ടെന്നല്ലേ അര്‍ത്ഥം? അപ്പോള്‍, താന്‍ സ്‌നേഹിക്കുന്ന, തന്റെ ഒപ്പം നീണ്ട പതിനാലു വര്‍ഷം ജീവിച്ച, തന്റെ മകളുടെ അമ്മയായ ആ സ്ത്രീയുടെ അഭിനയജീവിതവും അതിലൂടെ അവളുടെ സാമ്പത്തിക സ്രോതസും ഇല്ലാതാക്കാന്‍ ദിലീപ് ശ്രമിക്കുമോ...?

പുറത്തുവരുന്ന വാര്‍ത്തകള്‍ ശരിയാണെങ്കില്‍, മഞ്ജുവാര്യരുടെ അഭിനയജീവിതം തടയാന്‍ പല്ലും നഖവുമുപയോഗിച്ച് ശ്രമിച്ചവനാണു ദിലീപ്. അങ്ങനെയാണെങ്കില്‍, മഞ്ജുവിനെ അംഗീകരിക്കാനോ മഞ്ജുവുമൊത്ത് തുടര്‍ന്നു ജീവിക്കാനോ ആ നടന്‍ തയ്യാറല്ലായിരുന്നു എന്നുവേണം കരുതാന്‍. അങ്ങനെ വരുമ്പോള്‍, കാവ്യമാധവനുമൊത്തുള്ള ഒരു ജീവിതം ദിലീപ് അതിയായി ആഗ്രഹിച്ചിരുന്നു എന്നും കരുതേണ്ടിയിരിക്കുന്നു. അങ്ങനെയെങ്കില്‍, അക്കാര്യം വേഗത്തിലാക്കിയ നടിയോട് ദിലീപ് എന്തിന് മനസില്‍ പകസൂക്ഷിക്കണം...?


ആക്രമിക്കാനുള്ള കാരണം അതുമാത്രമാണ് എങ്കില്‍, മഞ്ജുവാര്യരെ ഭാര്യയായും കാവ്യമാധവനെ കാമുകിയായും മാത്രം നിലനിര്‍ത്താനായിരിക്കണം ദിലീപ് ശ്രമിച്ചിട്ടുണ്ടാവുക. ആ ആഗ്രഹം തകര്‍ത്തതിനാലാവാം ഒരുപക്ഷേ ഈ പ്രതികാരം. അപ്പോഴും സംശയങ്ങള്‍ ബാക്കിയാണ്. ഏറെ സ്‌നേഹിച്ച കാമുകി ജീവിതത്തിലേക്കു പടികയറി വന്നിട്ട് ഏതാനും മാസങ്ങള്‍ മാത്രമേ ആയിട്ടുള്ളു. മധുവിധുവിന്റെ ലഹരി മാഞ്ഞിട്ടുമില്ല. ഈ ഒരവസരത്തില്‍, ദിലീപ് ഇത്തരമൊരു കൃത്യത്തിനു ശ്രമിക്കുമോ.... അതോ ഒരിക്കലും പിടിക്കപ്പെടില്ല എന്നൊരു വിശ്വാസം ദിലീപിന് ഉണ്ടായിരുന്നോ....?


ദിലീപ് പ്രതികാരം ചെയ്തതെല്ലാം സിനിമ എന്ന ആയുധം ഉപയോഗിച്ച്....


ദിലീപിന്റെ അപ്രമാദിത്വത്തെ അംഗീകരിക്കാത്ത, ദിലീപിന്റെ അതൃപ്തിക്കു പാത്രമായ ഒട്ടനവധി സിനിമാക്കാരുടെ അനുഭവങ്ങള്‍ ഇപ്പോള്‍ മാധ്യമങ്ങള്‍ പുറത്തുവിടുന്നുണ്ട്. പക്ഷേ, ആ കഥകളിലൊന്നും, എതിരാളികളെ തകര്‍ക്കാന്‍ ഗുണ്ടകളെ ഉപയോഗിച്ചതായി ആരും പറയുന്നില്ല. പകരം, സിനിമയില്‍ നിന്നും പുറത്താക്കിയും പുറത്തിരുത്തിയുമാണ് ദിലീപ് പകരം വീട്ടിയതെന്ന് എല്ലാവരും പറയുന്നുമുണ്ട്. ആക്രമണത്തിനിരയായ നടിയെയും ഇത്തരത്തില്‍ ദിലീപ് ദ്രോഹിച്ചതായി ആ നടി തന്നെ പലപ്പോഴും വെളിപ്പെടുത്തിയിട്ടുണ്ട്. ആ നടി സിനിമയില്‍ നിന്നും ഏകദേശം പുറത്താകുകയും ചെയ്തിരുന്നു. എന്നിട്ടും ഇത്തരത്തില്‍ ഒരു ക്രൂരകൃത്യം ആ പെണ്‍കുട്ടിയോടു ചെയ്യാന്‍ ദിലീപിനെ പ്രേരിപ്പിച്ച ഘടകം എന്താവും...? തന്റെ വിവാഹേതര ബന്ധം ഭാര്യയെ അറിയിച്ചതിലുള്ള വൈരാഗ്യം മാത്രമോ അത്....? സ്വോഭാവികമായും ദിലീപിന് ആ നടിയോട് വൈരാഗ്യം തോന്നിയിരിക്കാം. പക്ഷേ, ഇത്രയേറെ ക്രൂരത കാണിക്കാന്‍ തക്ക വൈരാഗ്യം ദിലീപിന്റെ മനസിലുണ്ടാക്കാന്‍ ആ പ്രവൃത്തിക്കു കഴിഞ്ഞിരുന്നോ....? സിനിമയില്‍ അവസരങ്ങള്‍ നഷ്ടപ്പെടുത്തിയപ്പോള്‍ തന്നെ ആ പ്രതികാര മനസ് അടങ്ങിയിട്ടുണ്ടാവില്ലേ....?

62 കോടിയുടെ ഇടപാട്.....


അടുത്ത കാരണമായി പറയുന്നത് ഇതാണ്. ആക്രമിക്കപ്പെട്ട നടിയും ദിലീപുമായി ചേര്‍ന്നു നടത്തിയ വസ്തു ഇടപാടുകള്‍. 62 കോടി രൂപ തിരിച്ചെടുക്കാനായി ഒന്നരക്കോടിയുടെ ബലാത്സംഗ ക്വട്ടേഷന്‍. പക്ഷേ, കണക്കില്‍പ്പെട്ടതും പെടാത്തതുമായി കോടിക്കണക്കിനു രൂപയുടെ സ്വത്തുള്ള ഈ നടന് 62 കോടി വെറും നിസ്സാരമല്ലേ.....? പണം കുമിഞ്ഞു കൂടന്തോറും മനുഷ്യന് ആര്‍ത്തിയും കൂടും. അത്തരമൊരു ആര്‍ത്തി ഒരുപക്ഷേ ദിലീപിനുമുണ്ടായിരിക്കണം. അങ്ങനെയെങ്കില്‍ 62 കോടിയേക്കാള്‍ വലിയ തുകയുടെ സാമ്പത്തിക ഇടപാടുകളും രേഖകളും ആക്രമണത്തിന് ഇരയായ നടിയും ദിലീപുമായി ഉണ്ടായിരുന്നിരിക്കണം. ആ രേഖകള്‍ ദിലീപിന്റെ നാശത്തിലേക്കു വഴിതെളിക്കുന്നവയുമായിരിക്കണം.


വിവാഹം മുടക്കുവാന്‍ വേണ്ടിയുള്ള വീഡിയോ ചിത്രീകരണങ്ങള്‍....അവയിലും ദുരൂഹത....


അപകീര്‍ത്തികരമായ വീഡിയോ ചിത്രീകരിക്കുമ്പോള്‍ ക്വട്ടേഷന്‍ കൊടുത്തയാള്‍ പ്രത്യേകം പറഞ്ഞിരുന്നുവത്രെ, വിവാഹ മോതിരവും ചിരിക്കുന്ന മുഖവും കഴുത്തും പ്രത്യേകം ചിത്രീകരിക്കണമെന്ന്. ഇരയുടെ വിവാഹം മുടക്കുന്നതിലൂടെ സായൂജ്യം നേടുന്ന വേട്ടക്കാരന്‍ ആര്...? അത് ദിലീപ് തന്നെയോ...തന്റെ കുടുംബത്തെ ഇല്ലാതാക്കിയ വ്യക്തിയുടെ കുടുംബജീവിതവും നശിപ്പിക്കണമെന്ന് ദിലീപ് ആഗ്രഹിച്ചിരുന്നുവോ....? അതോ.. ആ വിവാഹം മുടക്കി മറ്റൊരാളോ.....? അപകീര്‍ത്തികരമായ വീഡിയോ എടുത്താല്‍ ഇര നിശബ്ദയായിക്കൊള്ളുമെന്ന് തന്നെയാണോ അയാള്‍ കണക്കുകൂട്ടിയിരുന്നത്...?

ഇത് ദീലീപിനെതിരായ ഗൂഢാലോചനയോ....?



ഒന്നുമില്ലായ്മയില്‍ നിന്നും വളര്‍ന്ന് പടര്‍ന്നു പന്തലിച്ച ഒരു നടന്‍. സിനിമാലോകം ഈ നടന്റെ കാല്‍ക്കീഴിലെന്ന് ആരും കരുതിയില്ല, കാരണം അങ്ങനെയായിരുന്നു ആ നടന്റെ പുറമെയുള്ള പെരുമാറ്റം. പക്ഷേ, ഒരു കേസില്‍ അറസ്റ്റിലായപ്പോഴാണ് ഈ നടന്റെവളര്‍ച്ചയുടെ ആഴവും പരപ്പും ജനങ്ങള്‍ക്കു കൂടുതലും ബോധ്യമാകുന്നത്. മലയാള സിനിമാ വ്യവസായം ഈ നടന്റെ കൈകളിലായിരുന്നുവെന്നും ജനങ്ങള്‍ മനസിലാക്കുന്നതും അപ്പോഴാണ്. മലയാള സിനിമയെ വിരല്‍തുമ്പില്‍ കറക്കി കൊണ്ടുനടന്ന വ്യക്തിയും ദിലീപ് തന്നെയെന്ന് വാര്‍ത്തകള്‍ പറയുന്നു. കൂടാതെ, ദിലീപിനു കേരളത്തിലുടനീളം മള്‍ട്ടിപ്ലക്‌സുകള്‍ തുടങ്ങാന്‍ ആഗ്രഹമുണ്ടായിരുന്നുവത്രെ. സമീപഭാവിയില്‍ അവ പ്രാവര്‍ത്തകമാകുമായിരുന്നുവെന്നും അതോടെ മലയാള സിനിമ വ്യവസായം പൂര്‍ണ്ണമായും ഈ നടന്റെ കൈക്കുമ്പിളില്‍ എത്തിച്ചേരുമായിരുന്നുവെന്നും റിപ്പോര്‍ട്ടുകള്‍ പറയുന്നു. ഏതു സിനിമ എപ്പോള്‍ റിലീസ് ചെയ്യണമെന്നു തീരുമാനിക്കുന്ന ശക്തിയായി ദിലീപ് വളരുമായിരുന്നു. എങ്കില്‍, ദിലീപിന്റെ ദ്രോഹങ്ങള്‍ക്ക് ഏറെ പാത്രമായിട്ടുള്ളവരും സംശയ നിഴലില്‍ തന്നെയല്ലേ....? ആ തരത്തിലും അന്വേഷണങ്ങള്‍ നടക്കേണ്ടതല്ലേ....?


പോലീസിനു ലഭിച്ചിരിക്കുന്ന തെളിവുകള്‍ അപ്പോഴും കീറാമുട്ടിയായി നില്‍ക്കുന്നു. ഇര ആര്‍ക്കൊക്കെ ഭീഷണിയായിരുന്നു എന്നതും കണ്ടെത്തേണ്ടിയിരിക്കുന്നു. പള്‍സര്‍ സുനി സ്വന്തം നിലയില്‍ നടിയെ തട്ടിക്കൊണ്ടുപോയി വീഡിയോ പിടിച്ച ശേഷം ദിലീപിന്റെ ശത്രുക്കളില്‍ നിന്നും കോടികള്‍ വാങ്ങി കുറ്റം ദിലീപിന്റെ തലയില്‍ കെട്ടിവയ്ക്കുന്നതുമാകാം..... സംഭവം നടന്ന് ഏതാനും ദിവസങ്ങള്‍ക്കു ശേഷമാണ് കോടതിയില്‍ കീഴടങ്ങാന്‍ പള്‍സറും കൂട്ടാളികളും എത്തുന്നത്. കോടതിയില്‍ നിന്നും പോലീസ് ഇവരെ അറസ്റ്റുചെയ്തു കൊണ്ടുപോവുകയായിരുന്നു. ഒളിവില്‍ കഴിഞ്ഞ ആ ദിവസങ്ങള്‍ പോരെ മറ്റൊരു ഗൂഢതന്ത്രം മെനഞ്ഞെടുക്കുന്നതിന്...?

എന്തായാലും, കേരളപോലീസ് തെളിയിക്കട്ടെ ഈ കേസ്. കാത്തിരിക്കുക തന്നെ.... പക്ഷേ,പ്രതി കുറ്റം ചെയ്‌തോ ഇല്ലയോ എന്നു പൂര്‍ണ്ണമായും ബോധ്യപ്പെടും മുമ്പുള്ള ഈ കൊലവിളി എന്തിന്...? ദിലീപ് കുറ്റും ചെയ്തിട്ടുണ്ടെങ്കില്‍ കഠിന ശിക്ഷ തന്നെ കിട്ടണം. പക്ഷേ, ജനക്കൂട്ടത്തിന്റെ നീതി തെറ്റായിരുന്നു എന്നു തെളിയിക്കുന്ന നൂറു നൂറ് ഉദാഹരണങ്ങളുണ്ട് നമുക്കു മുന്നില്‍. ഐ എസ് ആര്‍ ഒ ചാരവൃത്തിക്കേസ് ഉള്‍പ്പടെ.... അതിനാല്‍, ഈ ആവേശം ഒട്ടൊന്നു കുറയ്ക്കുന്നതാണ് ഏവര്‍ക്കും നല്ലത്.


Share:

Monday, 3 July 2017

പോര്‍ക്ക് കറി നല്‍കിയത് ക്രിസ്ത്യാനികള്‍ക്ക്, 'മതവികാരം' വ്രണപ്പെട്ടത് മുസ്ലീങ്ങള്‍ക്ക്: സംഭവം എരുമേലിയില്‍


എരുമേലിയില്‍, ക്രിസ്ത്യന്‍ മാനേജ്‌മെന്റ് നടത്തുന്ന സെന്റ് തോമസ് ഹയര്‍ സെക്കന്ററി സ്‌ക്കൂളില്‍, പോര്‍ക്ക് കറി വിളമ്പിയതിനെത്തുടര്‍ന്ന്, മുസ്ലീങ്ങള്‍ സ്‌കൂള്‍ ആക്രമിച്ചു. സ്‌കൂളിലെ ഫര്‍ണിച്ചറുകള്‍ അടിച്ചുതകര്‍ക്കുകയും രണ്ട് അധ്യാപകരെ കൈയ്യേറ്റം ചെയ്യുകയും ചെയ്തു.

സമീപപ്രദേശത്തു നിന്നുപോലും ആളുകള്‍ കൂട്ടമായെത്തിയതോടെ സംഭവം കൂടുതല്‍ വഷളാവുകയായിരുന്നു. ഒടുവില്‍, രണ്ട് അധ്യാപകരെ സസ്‌പെന്റ് ചെയ്ത് സ്‌കൂള്‍ മാനേജ്‌മെന്റ് സംഭവും ഒതുക്കിത്തീര്‍ക്കുകയായിരുന്നു. ഹെഡ്മാസ്റ്റര്‍ തോമസ് വര്‍ഗ്ഗീസ്, അധ്യാപകനായ രാജീവ് ജോസഫ് എന്നിവരെയാണ് സസ്‌പെന്റ് ചെയ്തത്. സ്‌കൂളില്‍ പോര്‍ക്കു കറി വിളമ്പിയത് ഇവരായിരുന്നു. സംഭവവുമായി ബന്ധപ്പെട്ട് രാജീവ് ജോസഫിനെ പോലീസ് കസ്റ്റഡിയിലെടുത്തു.

സ്‌കൂള്‍ അധ്യാപകര്‍ക്കു വേണ്ടി നടത്തിയ ഒരു ചടങ്ങിലേക്കാണ് പോര്‍ക്ക് കറി തയ്യാറാക്കിയത്. അറുപതുപേര്‍ അടങ്ങിയ ഈ സ്റ്റാഫ് അംഗങ്ങളില്‍ ഭൂരിഭാഗം പേരും ക്രിസ്ത്യാനികളായിരുന്നു. ഈ സമയം, എന്‍ സി സിയിലെ ഏകദേശം 91 കുട്ടികള്‍ ഗ്രൗണ്ടില്‍ പരേഡ് നടത്തുന്നുണ്ടായിരുന്നു.

അധ്യാപകരുടെ പാര്‍ട്ടി കഴിഞ്ഞപ്പോള്‍ ഭക്ഷണം വളരെയേറെ ബാക്കിവന്നു. ഉടന്‍ തന്നെ എന്‍ സി സിയിലെ കുട്ടികളെ ഭക്ഷണം കഴിക്കാന്‍ രാജീവ് ജോസഫ് ക്ഷണിച്ചു. മുസ്ലീം കുട്ടികള്‍ക്ക് മീനും അച്ചാറും ക്രിസ്ത്യാനികള്‍ക്ക് പോര്‍ക്കു കറിയും കഴിക്കാമെന്നു രാജീവ് ജോസഫ് അറിയിക്കുകയും ചെയ്തു.

എന്‍ സി സിയില്‍ അന്ന് പങ്കെടുത്തത് 67 ആണ്‍കുട്ടികളും 33 പെണ്‍കുട്ടികളുമാണ്. എന്‍ സി സി യില്‍ ആകെയുള്ള അംഗങ്ങള്‍ 100-ആണ്. ഇവരില്‍ 27 പേര്‍ മുസ്ലീങ്ങളാണ്. സ്‌കൂളില്‍ ആകെ 1003 കുട്ടികളാണ് ഉള്ളത്. ഇവരില്‍, 44ശതമാനം പേര്‍ മുസ്ലീങ്ങളാണ്.

അന്ന് വൈകിട്ട്, വീട്ടിലെത്തിയപ്പോള്‍, മുസ്ലീം കുട്ടികളില്‍ ഒരാള്‍, സ്‌കൂളില്‍ പോര്‍ക്ക് കറി വിളമ്പിയതായി മാതാപിതാക്കളെ അറിയിച്ചു. ഇതാണ് സംഘര്‍ഷത്തിനു കാരണം. പിറ്റേന്ന്, ഈ കുട്ടിയുടെ മാതാപിതാക്കള്‍ സംഭവം ജമാ അത്തെ കൗണ്‍സിലില്‍ അറിയിച്ചു. ഇതോടെയാണ് സംഘര്‍ഷം പൊട്ടിപ്പുറപ്പെട്ടത്. റംസാന്‍ മാസത്തില്‍, സ്‌കൂളില്‍ പോര്‍ക്കു കറി വിളമ്പിയതിലൂടെ തങ്ങളുടെ മതവികാരം വ്രണപ്പെട്ടു എന്നാണ് മുസ്ലീങ്ങളുടെ വാദം.

ഹെഡ്മാസ്റ്ററെയും അധ്യാപകനെയും സസ്‌പെന്റു ചെയ്യുകയല്ലാതെ, ജനങ്ങളെ ശാന്തരാക്കാന്‍ മറ്റൊരു വഴിയും കണ്ടില്ലെന്ന് ഡെപ്യൂട്ടി ഡയറക്ടര്‍ ജെസി ജോസഫ് പറഞ്ഞു. കുട്ടികളെ വിളിച്ച് ഭക്ഷണം കൊടുക്കുന്നതിനു പകരം ബാക്കി വന്ന ഭക്ഷണം നശിപ്പിച്ചു കളയുകയായിരുന്നു വേണ്ടിയിരുന്നത് എന്നും ജെസി ജോസഫ് അഭിപ്രായപ്പെട്ടു.
Share:

Sunday, 2 July 2017

മലയാളി അഥവാ അഭ്യസ്തവിദ്യരായ വിവരംകെട്ട ജനം....


 


കൊച്ചി കണ്ടെയ്‌നര്‍ റോഡില്‍ നിന്നും അസ്റ്റര്‍ മെഡിസിറ്റി വഴി ലൂര്‍ദ്ദ് ആശുപത്രിയിലേക്കു പോകുന്ന റോഡിലാണ് ഈ ബോര്‍ഡ്. ഇങ്ങനെയൊരു ബോര്‍ഡു വച്ചതോടെ വാട്ടര്‍ അതോറിറ്റിയുടേയും ഉത്തരവാദിത്വം കഴിഞ്ഞു. കഴുത്തറുപ്പന്‍ ആശുപത്രികള്‍ രണ്ടെണ്ണം അടുത്തുള്ളതിനാല്‍ മാരകരോഗങ്ങളുമായി അവിടേക്കു തന്നെ ചേക്കേറാം.... പൊതുമുതല്‍ സംരക്ഷിക്കാന്‍ മലയാളി എന്നാണിനി പഠിക്കുന്നത്...? പനിയും മറ്റു മാരകരോഗങ്ങളും പടര്‍ന്നു പിടിക്കുമ്പോഴും മലയാളിയുടെ ശുചിത്വവും പൊതുബോധവും ഇതാണ്..... കണ്ടാലും കൊണ്ടാലും പഠിക്കാത്ത, അഭ്യസ്തവിദ്യരായ വിവരംകെട്ട ജനം.... 


Share:

Wednesday, 21 June 2017

ആടുകള്‍: ഐസിസ് ഭീകരരുടെ പുതിയ ലൈംഗിക അടിമകള്‍


സംശയമില്ല, ലൈംഗിക ഭ്രാന്തുമൂത്ത് പിശാചുക്കളായവരാണ് ഐസിസ് ഭീകരര്‍. മാംസദാഹ ഭ്രാന്തിന് അവര്‍ കൂട്ടുപിടിക്കുന്നത് വിശുദ്ധഗ്രന്ഥമായ ഖുറാനെയും. ആസുരലൈംഗികതയ്ക്ക് വേണ്ടത്ര സ്ത്രീകളെ ലഭിക്കാതെ വന്നതോടെ മാംസദാഹം തീര്‍ക്കാന്‍ ഇവര്‍ ആടുകളെ ഉപയോഗിച്ചു തുടങ്ങി.

ഐസിസ് ഭീകരര്‍ക്ക് 2000 ആടുകളെ വിറ്റ ന്യൂസിലാന്റ് ആടുകര്‍ഷകനെ സി ഐ എ താക്കീതു ചെയ്തു. അലന്‍ സീമര്‍ (52) ആണ് ആടുകളെ ഐസിന് നല്‍കിയത്.


ആയുധങ്ങളും വെടിക്കോപ്പുകളും കടത്താനായി ഈ ആടുകളെ ഉപയോഗിക്കുന്നതായിട്ടാണ് ആദ്യം സംശയിച്ചത്. എന്നാല്‍ അതിനു തക്ക തെളിവുകളൊന്നും ലഭിച്ചില്ല. പിന്നീടു നടത്തിയ അന്വേഷണത്തിലാണ് ഐസിസിന്റെ ലൈംഗിക ദാഹം ശമിപ്പിക്കാനുള്ള അടിമകളാണ് ഈ ആടുകളെന്നു വ്യക്തമായത്.

വളര്‍ത്തുമൃഗങ്ങളെ ധാരാളമായി ഐസിസ് ഭീകരര്‍ സിറിയയിലേക്ക് ഇറക്കുമതി ചെയ്യുകയാണ്. ആടുകള്‍ക്കൊപ്പം ഉറങ്ങാന്‍ ഇസ്ലാംമതം അനുവദിക്കുന്നുണ്ടെന്നാണ് ഇവരുടെ പക്ഷം. ആഗ്രഹം നിറവേറ്റിയ ശേഷം ഈ മൃഗങ്ങളെ കൊല്ലണമത്രെ.


കഴിഞ്ഞ വര്‍ഷം, ഒരു അഭിമുഖത്തില്‍ വിവാദ പ്രാസംഗികന്‍ സക്കീര്‍ നായിക്ക് പറയുന്നു, 'ആടിനെ കാമ പൂര്‍ത്തീകരണത്തിനായി ഉപയോഗിച്ചാലും പുരുഷന്‍ മലിനപ്പെടുന്നില്ല. സ്ത്രീകളുമായി നടത്തുന്ന വേഴ്ചയാണ് പാപമാകുന്നത്. മൃഗങ്ങളുമായി നടത്തുന്ന വേഴ്ചയില്‍ മലിനമാകുന്നത് മൃഗങ്ങളാണ്. അതിനാല്‍ അവര്‍ മരിച്ചേ തീരൂ, അങ്ങനെയാണ് പ്രവാചകനായ മുഹമ്മദ് പറഞ്ഞിരിക്കുന്നത്.'


കഴിഞ്ഞ വര്‍ഷം അല്‍ സിമൂര്‍ മാത്രം വിറ്റത് ഏകദേശം 20,000 ആടുകളെയാണ്. പക്ഷേ, ആയിരക്കണക്കിന് ആടുകളെ മറ്റു കര്‍ഷകര്‍ ഐസിസിനു വിറ്റിരിക്കാമെന്നാണ് സി ഐ എ യുടെ വിലയിരുത്തല്‍.
Share:

Saturday, 26 November 2016

ദിലീപ്-കാവ്യ വിവാഹം: പകയ്ക്കു പിന്നില്‍........





ദിലീപ്-കാവ്യ വിവാഹജീവിതത്തില്‍ അശാന്തിയുടെ വിത്തുകള്‍ അവര്‍ പാകിക്കഴിഞ്ഞു. തീര്‍ത്തും നിര്‍ദ്ദോഷമെന്നു തോന്നിക്കാവുന്ന ഒരു കുത്ത്, അതാണ് ആദ്യത്തെ ആക്രമണം. 'ഞങ്ങളുടെ രണ്ടുപേരുടേയും ജീവിതത്തില്‍ ഇനി എന്നും നിങ്ങളുടെ പ്രാര്‍ത്ഥന ഉണ്ടായിരിക്കണം' എന്ന കാവ്യ മാധവന്റെ വാക്കുകളെ തിരുത്തി, 'മീനാക്ഷിയും അമ്മയും കൂടിയുണ്ട്' എന്നു ദിലീപ് തിരുത്തിയതാണ് ആ വാചകങ്ങള്‍. മകള്‍ മീനാക്ഷിയുടെ അനുഗ്രഹാശിസുകളോടെ, വര്‍ഷങ്ങള്‍ നീണ്ട കാത്തിരിപ്പുകള്‍ക്കു ശേഷം സ്വന്തം കാമുകിയെ ദിലീപ് സ്വന്തമാക്കിക്കഴിഞ്ഞു. പക്ഷേ, അവരെ അവരുടെ പാട്ടിനു വിടാന്‍ മലയാളിക്കു മനസില്ല എന്നതിന്റെ ഉദാഹരണങ്ങളാണ് അവര്‍ക്കു നേരെ പായുന്ന ഭര്‍സനങ്ങളും ശാപവാക്കുകളും. മലയാളി കാത്തിരുന്ന താരവിവാഹമെന്നാണ് മാധ്യമങ്ങള്‍ ഈ വിവാഹത്തെ വിശേഷിപ്പിച്ചത്. ഏതൊരു മലയാളിക്കും അതറിയാമായിന്നു, അതൊരിക്കല്‍ സംഭവിക്കുമെന്ന്. പക്ഷേ, ദിലീപ്-കാവ്യമാധവന്‍ കൂടിച്ചേരല്‍ മലയാളികള്‍ ആഗ്രഹിച്ചിരുന്നോ....? മഞ്ജു വാര്യരെ ചണ്ടിപോലെ വലിച്ചെറിഞ്ഞില്ലായിരുന്നുവെങ്കില്‍, മലയാളികള്‍ ഈ താരജോഡികളെ ഇരുകൈകളും നീട്ടി സ്വീകരിക്കുമായിരുന്നു. ഫേയ്‌സ്ബുക്കില്‍ നിറയുന്ന തെറിവിളികളുടെ അര്‍ത്ഥവും വ്യാപ്തിയും അതുതന്നെ.


മഞ്ജു വാര്യര്‍ ഒരു തടസമായി മുന്നിലില്ലായിരുന്നുവെങ്കില്‍ എത്രയോ പണ്ടേ ദിലീപ് കാവ്യ മാധവനെ വിവാഹം കഴിക്കുമായിരുന്നു! അക്കാര്യവും മലയാളികള്‍ക്കു നന്നായി അറിയാം. 1998 ലായിരുന്നു ദിലീപ് മഞ്ജുവിനെ വിവാഹം കഴിച്ചത്. നീണ്ട 16 വര്‍ഷത്തെ വിവാഹ ജീവിതം അവര്‍ 2014 ല്‍ കുടുംബ കോടതിയില്‍ വച്ച് അവസാനിപ്പിച്ചു. 2009 ലാണ് കാവ്യ മാധവന്‍ നിഷാല്‍ ചന്ദ്രയെന്ന കുവൈറ്റ് മലയാളിയെ വിവാഹം കഴിച്ചത്. ഒരു വര്‍ഷത്തിനു ശേഷം ആ വിവാഹബന്ധവും അവസാനിച്ചു.

പാപ്പിയുടെ പെണ്ണ് അങ്ങനെ പാപ്പിക്കു സ്വന്തമായി....



പാപ്പി അപ്പച്ച എന്ന ഹിറ്റ് സിനിമയാണ് വിവാഹമോചനം നേടി തിരിച്ചു വന്ന കാവ്യ മാധവന്റെ ആദ്യ സിനിമ. അതില്‍, തന്നെ ചതിയില്‍ പെടുത്തിയവരോട് കാവ്യയുടെ കഥാപാത്രം ഉച്ചത്തില്‍ വിളിച്ചു പറയുന്നു, അതേടാ പാപ്പിയുടെ പെണ്ണാടാ ഞാന്‍. ഇപ്പോള്‍ അവള്‍ പാപ്പിക്കു സ്വന്തമായിരിക്കുന്നു....



മലയാളിയുടെ രോക്ഷത്തിനു പിന്നില്‍....


സിനിമാ ലോകത്ത് വിവാഹവും വിവാഹേതര ബന്ധങ്ങളും വിവാഹ മോചനവുമൊന്നും വാര്‍ത്തകളേയല്ല. പണം ആവശ്യത്തില്‍ കൂടുതല്‍ കുമിഞ്ഞു കൂടുമ്പോള്‍ എല്ലാ മനുഷ്യരിലും കാണുന്ന ഒരു പ്രവണത, അത് സിനിമാ ലോകത്തുള്ളവരില്‍ കുറച്ചു കൂടുതലാണെന്നു മാത്രം. ഒന്നോ രണ്ടോ സിനിമയില്‍ ഒരുമിച്ച്, ഒട്ടിച്ചേര്‍ന്ന് അഭിനയിക്കുമ്പോഴേക്കും തമ്മില്‍ പിരിയാന്‍ കഴിയില്ല എന്ന തോന്നലിലേക്ക് അവര്‍ എത്തിച്ചേരുന്നു. മലയാളസിനിമയില്‍ നിന്നും നമുക്കു മുന്നില്‍ ഇത്തരത്തില്‍ ഒട്ടേറെ ഉദാഹരണങ്ങളുണ്ട്. മുകേഷ്-സരിത, മനോജ് കെ ജയന്‍-ഉര്‍വ്വശി, ജഗതി ശ്രീകുമാര്‍, തുടങ്ങി ഒട്ടനവധിപേര്‍ നമുക്കിടയിലുണ്ട്. ഇവരെല്ലാം ആദ്യഭാര്യയെ തഴഞ്ഞ് വീണ്ടും വിവാഹം കഴിച്ചവരാണ്. ഉര്‍വ്വശിയെ വീട്ടിനുള്ളില്‍ തളച്ചിടാനായിരുന്നു മനോജ് കെ ജയനും താല്‍പര്യം. ഭാര്യയും ഭര്‍ത്താവും സിനിമയുമായി നടന്നാല്‍ കുടുംബബന്ധം തകരാറിലാവും എന്നാണ് മനോജ് കെ ജയന്‍ ഒരു അഭിമുഖത്തില്‍ പറഞ്ഞത്. പക്ഷേ, ഇവരോടൊന്നും തോന്നാത്ത ദേഷ്യവും പകയും മലയാളിക്കു ദിലീപിനോടു തോന്നുന്നതെന്ത്...? അവനെ പച്ചയ്ക്കു കൊളുത്താന്‍ തക്ക രോക്ഷം അവര്‍ മനസില്‍ സൂക്ഷിക്കുന്നതെന്ത്...?


ദൈവം ഉള്ളം കൈയില്‍ കൊണ്ടുനടന്ന അതുല്യ കലാകാരിയായിരുന്നു മഞ്ജു വാര്യര്‍. ആ പ്രതിഭയ്ക്കു പകരം വയ്ക്കാന്‍ മലയാള സിനിമാ ലോകത്ത് വളരെ ചുരുക്കം നടികള്‍ മാത്രം. അതുല്യപ്രതിഭ ഒന്നുകൊണ്ടുമാത്രം നായകസങ്കല്‍പ്പങ്ങളെപ്പോലും തിരുത്തിക്കുറിച്ച അഭിനേത്രിയാണു മഞ്ജുവാര്യര്‍. മലയാളികള്‍ അവള്‍ക്കു നല്‍കിയ സ്ഥാനം അവരുടെ ഹൃദയത്തിന്റെ ഉള്ളറകളിലായിരുന്നു. ചെറുപ്പത്തിന്റെ ചാപല്യങ്ങള്‍ ഏറെ കാണിച്ചിട്ടുള്ള മഞ്ജുവാര്യരെ, അതെല്ലാം പൊറുത്ത് മലയാളികള്‍ സ്വന്തം നെഞ്ചോടു ചേര്‍ത്തു വച്ചു. ബാഹ്യസൗന്ദര്യം കൊണ്ടല്ല അവള്‍ മലയാളികളുടെ മനസ് കീഴടക്കിയത്. മറിച്ച്, അവളുടെ ഉള്ളിലെ കഴിവുകള്‍ തന്നെയായിരുന്നു അതിനു കാരണം.

അഭിനയ ലോകത്ത് കത്തിനിന്ന, ദൈവം അനുഗ്രഹങ്ങള്‍കൊണ്ടു മൂടിയ ആ കലാകാരിയെ ഒരുനാള്‍ ദിലീപ് കവര്‍ന്നെടുത്തപ്പോള്‍ തകര്‍ന്നുപോയത് മലയാളിയുടെ ഹൃദയമാണ്. മറ്റാര്‍ക്കും നല്‍കാതെ, ഒന്നു പുറത്തു കാണിക്കുകപോലും ചെയ്യാതെ അയാളാ കലാസൃഷ്ടിയെ അകത്തളങ്ങളിലിട്ടു പൂട്ടി. അതിന് അയാള്‍ക്ക് അയാളുടെതായ ന്യായങ്ങളുണ്ടായിരുന്നു. സ്വന്തം ഭാര്യ പരപുരുഷന്മാരെ തൊട്ടഭിനയിക്കുന്നത് സഹിക്കാന്‍ മാത്രമുള്ള ഹൃദയവിശാലത തനിക്കില്ല എന്നായിരുന്നു അന്നയാള്‍ പറഞ്ഞ കാരണങ്ങളില്‍ പരമ പ്രധാനം. ഈ പ്രസ്താവന മലയാളികളെ കുറച്ചൊന്നുമല്ല പ്രകോപിപ്പിച്ചത്. അവള്‍ പരപുരുഷനെ തൊട്ടഭിനയിക്കുന്നത് സഹിക്കാന്‍ കഴിയാത്ത മാന്യദേഹം, കൂടെയഭിനയിച്ച നടിമാരോടൊപ്പം എല്ലാം മറന്ന് അഭിനയിച്ചു. അതിനും അയാള്‍ക്കു ന്യായങ്ങളുണ്ടായിരുന്നു, ആ കഥാപാത്രം ആ ഇഴുകിച്ചേരല്‍ ആവശ്യപ്പെടുന്നു പോലും!


പ്രതിഭ തൊട്ടുതെറിച്ചിട്ടില്ലാത്ത ഒരു പുരുഷന്‍, അതു വേണ്ടുവോളമുള്ള പെണ്ണിനെ അറയ്ക്കകത്തിട്ടു പൂട്ടി. മുട്ടാപ്പോക്കു ന്യായങ്ങള്‍ പറഞ്ഞ് അവളുടെ വായടപ്പിച്ചു. കലയോടുള്ള അവളുടെ തീഷ്ണതകളെ കെടുത്തി. അവളെ വെറും അടുക്കളക്കാരിയാക്കി. പിന്നെ, സ്വന്തം വളിപ്പു സാഹിത്യവും ദ്വയാര്‍ത്ഥ പ്രയോഗങ്ങളും കോമാളി വേഷങ്ങളുമായി പ്രേക്ഷകര്‍ക്കു മുന്നില്‍ പേക്കൂത്തു നടത്തി. അതെല്ലാം കലയെന്നു ധരിച്ചുവശായ കുറച്ചു പേര്‍ അയാള്‍ക്കു ജെയ് വിളിച്ചു. വളിപ്പുകള്‍ ഇഷ്ടപ്പെടുന്ന പ്രേക്ഷകര്‍ അയാളെ സിനിമാ ലോകത്തു നിലനിര്‍ത്തി. അങ്ങനെ അയാള്‍ കോടികളുടെ അധിപനുമായി. ഒടുവിലിപ്പോള്‍, തൊട്ടും പിടിച്ചും കൂടെ അഭിനയിച്ച ചെറുപ്പക്കാരിയുടെ കൈപിടിച്ച്, മലയാളികളുടെയെല്ലാം നെഞ്ചത്തു ചവിട്ടി, ജീവിതത്തിലേക്ക് അയാള്‍ നടന്നു നീങ്ങുന്നു..... അവനെ മലയാളി വെറുതെ വിടുമോ.... നീരെല്ലാം വലിച്ചെടുത്ത് വെറും ചണ്ടിയാക്കി പുറത്തേക്കെറിഞ്ഞ ആ പ്രതിഭയുടെ നീറ്റലും വേദനയും മലയാളിക്കു മറക്കാനാവുമോ.... അതിനു കാരണക്കാരായവര്‍ക്ക് മലയാളി എന്നെങ്കിലും മാപ്പു കൊടുക്കുമോ....?

 

മഞ്ജു വാര്യര്‍.... യുവതലമുറ കണ്‍തുറന്നു പഠിക്കേണ്ട പാഠം



സ്വന്തം കഴിവുകള്‍ മനസിലാക്കാന്‍ കഴിയാതെ പോയൊരു അഭിനേത്രിയാണ് മഞ്ജു വാര്യര്‍. അല്ലായിരുന്നുവെങ്കില്‍, ഇളിച്ചു കാണിച്ച ഒരുവന്റെ കൂടെ മുന്‍പിന്‍ ചിന്തയില്ലാതെ ആ പെണ്‍കുട്ടി ഇറങ്ങിപ്പോകില്ലായിരുന്നു. ചെറുപ്പത്തിന്റെ ചാപല്യം. ജീവിത കാലം മുഴുവന്‍ തുണയാകേണ്ട ഒരുവന്റെ മനസ് കാണാന്‍ ആ പെണ്‍കുട്ടിക്കു കഴിഞ്ഞില്ല. അവളുടെ ഉള്ളിലപ്പോള്‍ നിറഞ്ഞു തുളുമ്പുന്ന സ്‌നേഹം (അതോ കാമമോ) മാത്രമേ ഉണ്ടായിരുന്നുള്ളു. പെറ്റുപോറ്റിയ മാതാപിതാക്കളെ അവള്‍ ഉപേക്ഷിച്ചു. മുന്നില്‍ വന്നു ചിരിച്ചവനൊപ്പം അവള്‍ ഇറങ്ങിപ്പോയി. അവളുടെ കലയെ അവള്‍ തൃണവത്ഗണിച്ചു. അവളെ ഒരു കൂട്ടിനുള്ളില്‍ അടച്ചിട്ടു വളര്‍ത്താനായിരുന്നു അവനിഷ്ടം. അവനാകട്ടെ, ഒരു പൂമ്പാറ്റയെപ്പോലെ പാറി നടന്നു. കൂട്ടത്തില്‍ ഏറ്റവും ചേതോഹരമെന്നു തോന്നിയ ഒരു പൂവില്‍ അവന്‍ അഭയം കണ്ടെത്തുകയും ചെയ്തു. എല്ലാമുപേക്ഷിച്ച് ഇറങ്ങിവന്ന പെണ്ണിന്റെ ജീവതവും കലയും തല്ലിത്തകര്‍ത്ത ശേഷം. ആര്‍ക്കൊക്കെ മാപ്പു കൊടുത്താലും കാലം ഇവനു മാപ്പുകൊടുക്കുമോ....? പെണ്ണിനെ ബഹുമാനിക്കുന്ന, അവളുടെ കഴിവുകളെ അംഗീകരിക്കുന്ന ഒരുത്തമ സുഹൃത്തിനെ ജീവിതപങ്കാളിയായി തെരഞ്ഞെടുക്കുന്നതില്‍ മഞ്ജു വാര്യര്‍ക്കു തെറ്റുപറ്റി, സ്‌നേഹിച്ചവനോടൊപ്പം മറ്റേല്ലാം ഉപേക്ഷിച്ച് ഇറങ്ങിത്തിരിക്കുന്ന മറ്റേതൊരു പെണ്‍കുട്ടിയെയും പോലെ തന്നെ.

കാവ്യ മാധവന്‍.... കലയില്‍ മഞ്ജുവിനെ വെല്ലാന്‍ നിങ്ങള്‍ക്കാവില്ല...



കലാപ്രതിഭയുമായി തട്ടിച്ചു നോക്കുമ്പോള്‍, മഞ്ജുവിനെക്കാള്‍ ശതകാതം പിന്നിലാണ് കാവ്യ മാധവന്റെ സ്ഥാനം. തൊലിവെളുപ്പിലും ആകാരഭംഗിയിലും കാവ്യമാധവന്‍ തന്നെ മികച്ചത്. പക്ഷേ, സൗന്ദര്യം നോക്കുന്നവരുടെ കണ്ണിലാണെങ്കില്‍, ആ ഒരു താരതമ്യത്തിലും മഞ്ജു വാര്യര്‍ നിങ്ങളെ തോല്‍പ്പിക്കും. എന്നിട്ടും, നിങ്ങളെങ്ങനെ ദിലീപിന്റെ പെണ്ണായി മാറി...? അതിന് ഒരു ഉത്തരമേയുള്ളു.... പെണ്ണിന്റെ സ്ഥാനം പുരുഷന്റെ കാല്‍ച്ചോട്ടിലെന്നു വിശ്വസിക്കുന്ന ഒരു മെയില്‍ഷോവനിസ്റ്റിന്റെ കാല്‍ക്കീഴില്‍ ചുരുണ്ടുകൂടാനുള്ള കാവ്യാമാധവന്റെ ത്വര തന്നെ അതിന്റെ കാരണം. ആദ്യഭര്‍ത്താവ് നിശാല്‍ ചന്ദ്രയുമായുള്ള വിവാഹത്തിനു തൊട്ടു മുമ്പുള്ള അഭിമുഖങ്ങളില്‍, കാവ്യമാധവന്‍ ഒരു കാര്യം വ്യക്തമാക്കിയിരുന്നു. 'വിവാഹശേഷം ഞാന്‍ അഭിനയം നിര്‍ത്തും. ഭര്‍ത്താവിനു വച്ചുവിളമ്പി, അവന്റെ കുഞ്ഞുങ്ങളെ പരിചരിച്ച്, ഒരു ഉത്തമകുടുംബിനിയായി ജീവിക്കാനാണ് എനിക്കിഷ്ടം' എന്നായിരുന്നു അത്. വിവാഹ ശേഷം തന്റെ അഭിനയ ജീവിതം താന്‍ ഉപേക്ഷിക്കുമെന്ന് ഉറച്ചു പറഞ്ഞ ചുരുക്കം ചില നടികളില്‍ ഒരാളാണ് കാവ്യമാധവന്‍. വിവാഹശേഷം ഭര്‍ത്താവ് അനുവദിക്കുമെങ്കില്‍ തുടര്‍ന്നും അഭിനയിക്കുമെന്നു പറയുന്ന നടികളാണ് ഏറെയും. അവരില്‍ നിന്നും വ്യത്യസ്തമായിരുന്നു കാവ്യമാധവന്റെ നിലപാട്. ദിലീപിനു വേണ്ടിയിരുന്നതും ഇത്തരമൊരു പെണ്ണിനേയാണ്. വിവാഹശേഷം പുരുഷന്റെതുമാത്രമാകുന്ന ഒരു പെണ്ണ്. അവനു വച്ചു വിളമ്പി, അവനിലുണ്ടാകുന്ന കുഞ്ഞുങ്ങളെ പരിചരിച്ച് ശിഷ്ടകാലം കഴിച്ചുകൂട്ടുന്ന ഒരു ഉത്തമയായ കുടുംബിനിയെ. കാമക്കണ്ണോടെ മറ്റൊരാള്‍ അവളെ നോക്കുന്നതു പോലും സഹിക്കാന്‍ കഴിയാത്ത ടിപ്പിക്കല്‍ മലയാളി ഭര്‍ത്താവ്. തനിക്കെന്തുമാകാം, അവള്‍ക്കൊന്നും പാടില്ലെന്നു കരുതുന്നവന്‍. അവള്‍ക്കും അതേ അഭിപ്രായം തന്നെയാകുമ്പോള്‍, അവനും അവളും മെയ്ഡ് ഫോര്‍ ഈച്ച് അദര്‍ ആയി മാറുന്നു.


 

മഞ്ജുവിനെ വലിച്ചെറിഞ്ഞത് എന്തിന്....?



സഹിക്കില്ല, മലയാളിക്കതു സഹിക്കാനാവില്ല. മഞ്ജു വാര്യര്‍ അഭിനയ ലോകത്തേക്കു തിരിച്ചുവന്നു എന്നതു ശരിതന്നെ. പക്ഷേ, തിരിച്ചെത്തിയ മഞ്ജുവാര്യര്‍ ആ പഴയ മഞ്ജുവാര്യരല്ല. അവരിലെ സിദ്ധി എവിടെയോ കൈമോശം വന്നിരിക്കുന്നു. 16 വര്‍ഷത്തെ ദാമ്പത്യജീവിതത്തിനും സ്വന്തം പ്രതിഭയുടെ അടിച്ചമര്‍ത്തലിനും ഇടയിലെവിടെയോ അവള്‍ക്കാ സിദ്ധി കൈമോശം വന്നിരിക്കുന്നു. എങ്കിലും അക്കാര്യം ഒന്നു സൂചിപ്പിക്കാന്‍ പോലും മലയാളി ഭയപ്പെടുന്നു, കാരണം അത് തങ്ങളുടെ പ്രിയ താരത്തെ വേദനിപ്പിച്ചാലോ. പക്ഷേ, അതാണു സത്യം. ഒരുകുരങ്ങന്റെ കൈയില്‍ അകപ്പെട്ടു പോയ പൂമാല.... കൂട്ടിയോജിപ്പിക്കാന്‍ കഴിയാത്ത വിധം അതു ചിന്നഭിന്നമായിരിക്കുന്നു. സ്വതസിദ്ധമായ ആ അഭിനയ ശേഷി അവള്‍ക്കു നഷ്ടപ്പെട്ടിരിക്കുന്നു. കഥാപാത്രത്തിനനുസരിച്ച്, മാനറിസങ്ങള്‍ക്കനുസരിച്ച് ഡയലോഗുകള്‍ പറഞ്ഞിരുന്ന ആ മഞ്ജു വാര്യര്‍ ഇന്നില്ല. തിരക്കഥാകൃത്ത് എഴുതിവച്ചത് വായ് കൊണ്ട് ഉച്ചരിക്കുന്ന വെറുമൊരു പാവയായി മാറിപ്പോയി അവള്‍.... അവളുടെ സ്വകാര്യ ജീവിതത്തെയും കലാജീവിതത്തെയും ചവിട്ടിമെതിച്ചവന്‍ സ്വന്തമായ ജീവിത്തിലേക്കും സുഖങ്ങളിലേക്കും ചുവടു വച്ചിരിക്കുന്നു. സ്വന്തം ഇഷ്ടപ്രകാരം, മറ്റുബന്ധങ്ങളുടെ കെട്ടുപാടുകളില്ലെങ്കില്‍, ഇഷ്ടപ്പെട്ട സ്ത്രീക്കും പുരുഷനും കുടുംബജീവിതം സാധ്യമാണ്. ഇന്ത്യന്‍ നിയമം അത് അനുവദിക്കുന്നു. പക്ഷേ, മഞ്ജുവിനെ തകര്‍ത്തെറിഞ്ഞ ആ സങ്കുചിത മനസിന്റെ ഉടമയെ മലയാളി വെറുതെ വിടുമോ..... ഫേയ്‌സ് ബുക്കിലെ ഈ പൊങ്കാലയെല്ലാം അവരുടെ രോക്ഷപ്രകടനം തന്നെയാണ് വ്യക്തമാക്കുന്നത്..... കാരണം, അത്രയേറെ അവര്‍ അവരുടെ പ്രിയ കലാകാരിയെ സ്‌നേഹിച്ചിരുന്നു. പക്ഷേ, ആ സ്‌നേഹം മനസിലാക്കാന്‍ അവള്‍ വൈകിപ്പോയി എന്നുമാത്രം......

Manju warrier, Dileep, Kavya Madhavan, wedding
Share:

Sunday, 20 November 2016

മോഡിജീ.... തിമിംഗലങ്ങളും സ്രാവുകളും എവിടെ.....?



വിശ്വസിനീയമെന്നു തോന്നിപ്പിക്കുന്ന ഒരു പരമാബദ്ധം. അതാണ് ഇന്ത്യന്‍ കറന്‍സി നോട്ടുകളുടെ റദ്ദാക്കല്‍ വഴി പ്രധാനമന്ത്രി നരേന്ദ്ര മോഡി നടത്തിയിരിക്കുന്നത്. ഒറ്റനോട്ടത്തില്‍ ആര്‍ക്കും തോന്നിപ്പോകും, നരേന്ദ്രമോഡിയാണു ശരി എന്ന്. പക്ഷേ, കുറച്ചുകൂടി ആഴത്തില്‍ ചിന്തിക്കുമ്പോള്‍, മോഡി വ്യാകുലപ്പെട്ടത് സ്വന്തം കോര്‍പ്പറേറ്റ് സുഹൃത്തുക്കളെ ഓര്‍ത്തു മാത്രമാണ് എന്ന നിലപാടില്‍ നിങ്ങള്‍ എത്തിച്ചേരും. കാരണം അതാണു സത്യം.

രാജ്യത്തെ പട്ടിണിപ്പാവങ്ങളെ ബാധിക്കുന്ന അതീവ ഗൗരവമേറിയ ഒരു പ്രഖ്യാപനം യാതൊരു മുന്നൊരുക്കങ്ങളുമില്ലാതെ നടപ്പില്‍ വരുത്തി എന്നതു തന്നെയാണ് ഇതിന്റെ ഏറ്റവും വലിയ ഉദാഹരണം. എന്തുകൊണ്ട് ഒരു രാജ്യത്തെ പ്രധാനമന്ത്രി ഇത്തരത്തില്‍ പ്രവര്‍ത്തിച്ചു...? എന്തുകൊണ്ട് ഈ നാട്ടിലെ പാവപ്പെട്ടവരെക്കുറിച്ചു ചിന്തിക്കാന്‍ അദ്ദേഹത്തിനു കഴിഞ്ഞില്ല..? എന്തുകൊണ്ട് ഈ നിസ്സാരമനുഷ്യരുടെ ജീവിതം പന്താടുന്ന തരത്തില്‍ ഒരു നടപടി അദ്ദേഹം കൈക്കൊണ്ടു...?


നരേന്ദ്രമോഡിക്കതു സാധ്യമായിരുന്നു. റദ്ദാക്കുന്ന പണത്തിനു തത്തുല്യമായ മൂല്യമുള്ള പണം അച്ചടിച്ച ശേഷം ഇത്തരമൊരു തീരുമാനം നടപ്പാക്കാമായിരുന്നു. എല്ലാം ഭദ്രമെന്ന് ഉറപ്പുവരുത്തിയ ശേഷം മാത്രം ഇത്തരമൊരു തീരുമാനം പ്രഖ്യാപിക്കാമായിരുന്നു. പ്ലാനിംഗ് ഇല്ലാതെ പോയി എന്ന് ഏവര്‍ക്കും അറിയാം. ഒരു രാജ്യത്തിന്റെ പ്രധാനമന്ത്രി എന്തുകൊണ്ട് ഇത്തരത്തില്‍ പെരുമാറി...? തീര്‍ച്ചയായും അതൊരു അബദ്ധമല്ല, മറിച്ച് പല വമ്പന്മാരെയും സഹായിക്കാനുള്ള മാര്‍ഗ്ഗം. അതേസമയം സ്വന്തം നിലനില്‍പ്പ് ഭദ്രമാക്കുകയും വേണം. മോഡിയുടെ പ്ലാനിംഗ് വിജയിച്ചു, ഇവിടെ തോറ്റു മണ്ണടിഞ്ഞത് ഇന്ത്യയിലെ കോടിക്കണക്കായ അരപ്പട്ടിണിക്കാരും മുഴുപ്പട്ടിണിക്കാരുമാണ്. അല്ലെങ്കിലും അവരുടെ കണ്ണുനീര്‍ ആര്‍ക്കു വേണം...?



കള്ളപ്പണത്തിനെതിരെയുള്ള അതിശക്തമായ നീക്കം എന്ന് ഏവരും വാഴ്ത്തുന്നു. പക്ഷേ, എന്താണ് കള്ളപ്പണം...? യഥാര്‍ത്ഥത്തില്‍ കള്ളപ്പണവും ഇന്ത്യന്‍ കറന്‍സി തന്നെ. സര്‍ക്കാര്‍ നിഷ്‌ക്കര്‍ഷിക്കുന്ന നികുതി നല്‍കാതെ വെട്ടിച്ചെടുത്ത് പൂഴ്ത്തി വയ്ക്കുന്ന പണമാണ് കള്ളപ്പണം. നേരായ വിധത്തില്‍ നികുതി നല്‍കുന്ന വ്യക്തിയുടെ കൈയില്‍ എത്തിച്ചേരുന്ന പണം വൈറ്റ് മണിയാണ്. നികുതി വെട്ടിക്കുന്നവന്റെ കൈയിലുള്ളത് കള്ളപ്പണവും. അപ്പോള്‍ ആരാണ് ഇവിടെ കുറ്റവാളി...? ഇന്ത്യന്‍ കറന്‍സിയല്ല, പകരം ടാക്‌സ് നല്‍കാതെ പണം വെട്ടിക്കുന്നവനാണ് കുറ്റവാളി. ഇനി ഇത്തരത്തില്‍ അടിച്ചുമാറ്റുന്ന പണം ഒരു കള്ളപ്പണക്കാരന്‍ എന്തുചെയ്യും...? അവനത് അപ്പോള്‍ തന്നെ സ്വര്‍ണ്ണത്തിലോ, ഭൂമിയിലോ ഷെയര്‍ മാര്‍ക്കറ്റിലോ അതു നിക്ഷേപിച്ചിരിക്കും. വിദേശരാജ്യങ്ങളിലെ ബാങ്കുകളിലും ഇന്ത്യയില്‍ നിന്നുള്ള വന്‍ കള്ളപ്പണ ശേഖരമുണ്ട്. പിന്നെ നോട്ടുകെട്ടുകളായി സൂക്ഷിക്കുന്നവര്‍ പാര്‍ട്ടി പ്രവര്‍ത്തകരാണ്. അവരുടെ ദൈനംദിനാവശ്യങ്ങള്‍ക്കായി ഈ പണം അവര്‍ ഉപയോഗിക്കുന്നു. ബാങ്കുകളില്‍ അവ കുന്നുകൂട്ടുന്നു. തെരഞ്ഞെടുപ്പു ഫണ്ടായും മറ്റും ഈ പണം ഉപയോഗിക്കുന്നു. സ്വന്തം പാര്‍ട്ടിയിലെ പണം ഇതിനോടകം മോഡിയും മറ്റും വെളുപ്പിച്ചിരിക്കുന്നതായി തെളിവുണ്ട്. പിന്നെയുള്ളത് മറ്റുരാഷ്ട്രീയ പാര്‍ട്ടികളുടെ പണമാണ്. മറ്റു രാഷ്ട്രീയ പാര്‍ട്ടികളുടെ അടിവേരു പോലും മാന്തിക്കളയാന്‍ നടക്കുന്ന ബിജെപി നേതൃത്വം മറ്റുപാര്‍ട്ടിക്കാരുടെ കള്ളപ്പണം വെളുപ്പിക്കാന്‍ സഹായിക്കില്ല. 

മോഡിജീ.... എവിടെ തിമിംഗലങ്ങളും സ്രാവുകളും.....?



വന്‍ സ്രാവുകളെയും തിമിംഗലങ്ങളെയും പിടിക്കാനാണ് ഇത്തരമൊരു കടുത്ത തീരുമാനമെന്നാണ് മോഡിയും പാര്‍ട്ടിയും പറയുന്നത്. പക്ഷേ, എടിഎം കൗണ്ടറിനു മുന്നിലും ബാങ്കിനു മുന്നിലും ക്യൂ നില്‍ക്കുന്നവരുടെ നിരയിലൊന്നും ഒരു കള്ളപ്പണക്കാരന്‍ പോലുമില്ല. അവന്റെ പണമെല്ലാം അവന്‍ സുരക്ഷിതമാക്കി മാറ്റിയിരിക്കുന്നു. കക്കാനറിയാമെങ്കില്‍ അവനറിയാം കട്ടമുതല്‍ എങ്ങനെ സംരക്ഷിക്കണമെന്ന്. ക്യൂ നിന്നു തളര്‍ന്നു വീണു മരിക്കുന്നവര്‍ പട്ടിണിപ്പാവങ്ങളാണ്. ആശുപത്രിയില്‍ കൊടുക്കാന്‍ പണമില്ലാതെ മരണത്തിലേക്കു നടന്നു നീങ്ങിയവരും നീങ്ങുന്നവരുമെല്ലാം സാധാരണ മനുഷ്യരാണ്. ഇന്ത്യയിലെ 70 ശതമാനം വരുന്ന ജനങ്ങള്‍ക്ക് ബാങ്കുകളില്‍ എത്തിപ്പെടാന്‍ ഏറെദൂരം യാത്ര ചെയ്യേണ്ടവരാണ്. സ്വന്തം പണിയും കൂലിയുമെല്ലാം കളഞ്ഞ് അവര്‍ ദിവസങ്ങളോളം ക്യൂ നില്‍ക്കുന്നു...

വെറും 30 ശതമാനം ജനങ്ങള്‍ക്കാണ് നല്ല രീതിയിലുള്ള ബാങ്കിംഗ് സൗകര്യമുള്ളത്. സാധാരണക്കാരായ, ബാങ്കിംഗ് സൗകര്യമില്ലാത്ത, അക്ഷരാഭ്യാസമില്ലാത്ത കോടിക്കണക്കിനു ജനങ്ങളുണ്ട് ഇന്ത്യയില്‍. ഇത്തരമൊരു തീരുമാനമെടുക്കുമ്പോള്‍ മോഡിയെന്തേ അവരെക്കുറിച്ചു ചിന്തിച്ചില്ല..?

രാഷ്ട്രീയ സ്വാധീനമുള്ള, പണച്ചാക്കുകളായ വ്യക്തികളുടെ കൈകളില്‍ പുതിയ 2000 രൂപയുടെ ഫോട്ടോഗ്രാഫ് എത്തിച്ചേര്‍ന്നു. അതീവരഹസ്യമായി, മന്ത്രിസഭയിലെ വെറും മൂന്നേമൂന്നുപേര്‍ക്കു മാത്രമറിയാവുന്ന ഈ രഹസ്യം വമ്പന്മാരില്‍ എത്തിയതെങ്ങനെ...?


2016 ഒക്ടോബര്‍ 27 ന് , ദേശീയ ഹിന്ദി ദിനപ്പത്രം ദൈനിക് ജാഗ്രണില്‍ ഇതുസംബന്ധിച്ച വാര്‍ത്ത വന്നിരുന്നു. 500 രൂപയുടെയും 1000 രൂപയുടെയും നോട്ടുകള്‍ പിന്‍വലിച്ചേക്കുമെന്നും പുതിയ രണ്ടായിരം രൂപ പകരം ഇറക്കുമെന്നും. കറന്‍സി പിന്‍വലിക്കുന്നത് അതീവരഹസ്യമായാണ് നടപ്പാക്കിയതെന്ന അരുണ്‍ ജെയ്റ്റ്‌ലിയുടെ വാദഗതികളാണ് ഇതോടെ പൊളിയുന്നത്.

ബി ജെ പിയുടെ സഞ്ജീവ് കംബോജ് ഉള്‍പ്പടെ നിരവധി വ്യക്തികള്‍ക്ക് ഈ വാര്‍ത്ത അറിയാമായിരുന്നു. എന്നിട്ടും കേന്ദ്ര സര്‍ക്കാര്‍ പറയുന്നു, ഇത് അതീവ രഹസ്യമായിരുന്നു, മറ്റൊരാളും ഇക്കാര്യം അറിഞ്ഞിട്ടില്ലെന്ന്...!


 

കള്ളപ്പണം തടയാനാകുമോ....?



ആദായ നികുതി വകുപ്പിന്റെ കണക്കനുസരിച്ച്, കള്ളപ്പണത്തിന്റെ 6 ശതമാനം മാത്രമാണ് പണമായിത്തന്നെ സൂക്ഷിക്കുന്നത്. ബാക്കിയുള്ള സ്വര്‍ണ്ണം, സ്റ്റോക്ക് മാര്‍ക്കറ്റ്, ഷെയര്‍, റിയല്‍ എസ്‌റ്റേറ്റ്, തുടങ്ങിയവയില്‍ നിക്ഷേപിച്ചിരിക്കുകയാണ്. ഇന്ത്യയിലെ 95 ശതമാനം ജനങ്ങളെയും ബാധിക്കുന്ന കറന്‍സി പിന്‍വലിക്കല്‍ തീരുമാനം കൈക്കൊണ്ടത്, 6 ശതമാനം വരുന്ന കള്ളപ്പണം കണ്ടുകെട്ടാനായിരുന്നോ...? എങ്കില്‍, അത് എന്തൊരു വലിയ തമാശാണ്....!!


ഇനി ഈ 6 ശതമാനം വരുന്ന കള്ളപ്പണം കണ്ടുകെട്ടാന്‍ അത്ര എളുപ്പമാണോ....? കള്ളപ്പണം ഒളിപ്പിച്ചിരിക്കുന്ന വമ്പന്മാരെല്ലാം ഈ നീക്കം മുന്‍കൂട്ടി അറിഞ്ഞു കഴിഞ്ഞിരുന്നു. അതുകൊണ്ടുതന്നെ, അവരുടെ പണം സുരക്ഷിതമാക്കാനുള്ള നടപടികളും അവര്‍ സ്വീകരിച്ചു കഴിഞ്ഞിരുന്നു. കുറച്ചു വിവരമുള്ള കള്ളപ്പണക്കാര്‍ക്കറിയാം, തങ്ങളുടെ പണം എങ്ങനെ വൈറ്റ് ആക്കി മാറ്റാമെന്ന്. നിലവിലുള്ള നിയമങ്ങള്‍ അനുസരിച്ചു തന്നെ അവരതു ചെയ്യുന്നു. അതിനു പറ്റിയ ഏജന്റുമാര്‍ വഴി അവരതു ചെയ്യുന്നു. ഏജന്റുമാര്‍ക്ക് ഒരു നിശ്ചിത ശതമാനം കമ്മീഷന്‍ നല്‍കുക വഴി അവരാ പണമെല്ലാം വെളുപ്പിക്കും. കള്ളപ്പണം സൂക്ഷിച്ചിരിക്കുന്ന മുതലാളിമാര്‍ക്ക് സ്വന്തം തൊഴിലാളികളുടെ അക്കൗണ്ടുകള്‍ വഴി, കള്ളപ്പണം വെളുപ്പിക്കാവുന്നതെയുള്ളു.


ബാങ്കിലെ, മഹാകള്ളന്മാരായ ചില ഉദ്യോഗസ്ഥര്‍ പാവപ്പെട്ട, സാധാരണക്കാരായ ജനങ്ങളുടെ തിരിച്ചറിയല്‍ രേഖകള്‍ ഉപയോഗിച്ച് കള്ളപ്പണം വെളുപ്പിക്കാന്‍ മുതലാളിമാര്‍ക്ക് അവസരമുണ്ടാക്കിക്കൊടുക്കുന്നു. പ്രിന്റു ചെയ്ത് ആഴ്ചയൊന്നു തികയും മുമ്പേ, ലക്ഷങ്ങള്‍ മൂല്യമുള്ള 2000 രൂപ നോട്ടുകള്‍ ചിലരുടെ കൈകളില്‍ എത്തിയത് എങ്ങനെയെന്നു ചിന്തിച്ചാല്‍ തന്നെ ഇക്കാര്യം വ്യക്തമാകും. ഇതിനെല്ലാം അര്‍ത്ഥം ഒന്നേയുള്ളു, താല്ക്കാലികമായി ഉള്‍വലിയുന്ന കള്ളപ്പണം വീണ്ടും മാര്‍ക്കറ്റില്‍ എത്തിച്ചേരുമെന്ന്.


ശരി, ഈ നിരോധനം കൊണ്ട് കള്ളനോട്ട് തടയാന്‍ കഴിയുമോ...?


കഴിയും എന്നുതന്നെയാണോ നിങ്ങള്‍ ഇപ്പോഴും വിശ്വസിക്കുന്നത്...? കള്ളനോട്ട് അച്ചടിക്കാന്‍ വേണ്ടത് നിസ്സാര പണം മാത്രമാണ്. പാകിസ്ഥാനില്‍ പ്രിന്റ് ചെയ്യുന്ന ഇന്ത്യന്‍ കറന്‍സി, ഇന്ത്യയുടെ സാമ്പത്തികാടിത്തറ തകര്‍ക്കുന്നു എന്നാണ് ബിജെപിയും സംഘികളും തൊള്ളകീറി പറയുന്നത്. അങ്ങനെയെങ്കില്‍, പുതിയ 2000 രൂപയുടെ കള്ളനോട്ട് എങ്ങനെ ഇത്രവേഗം മാര്‍ക്കറ്റിലെത്തി...? പഴയ 500 രൂപയിലും 1000 രൂപയിലുമുള്ള സുരക്ഷ രീതികളെല്ലാം തന്നെയാണ് പുതിയ രണ്ടായിരം രൂപയിലുമുള്ളത്. ക്ഷമിക്കണം, ജി പി എസ് ചിപ്പില്ല. പ്രധാനപ്പെട്ട ഒരു സുരക്ഷയുമില്ലാതെ പുറത്തിറങ്ങുന്ന ഈ പുത്തന്‍ നോട്ടുകള്‍ എങ്ങനെ കള്ളനോട്ടു തടയുമെന്നാണ് നിങ്ങള്‍ പറയുന്നത്...? കുറച്ചുകൂടി മെച്ചപ്പെട്ട സുരക്ഷാ സംവിധാനങ്ങള്‍ ഉണ്ടായിരുന്നുവെങ്കില്‍ നിങ്ങളുടെ വാദം ശരിവയ്ക്കാമായിരുന്നു, പക്ഷേ അങ്ങനെ ഒന്നും തന്നെ പുതിയ കറന്‍സിയില്‍ ഇല്ല.

ജനങ്ങളുടെ ഈ ദുരിതത്തിനും സഹനത്തിനും കഷ്ടപ്പാടിനും ഫലമുണ്ടാകുമോ....?



എല്ലാവരുടെയും ചോദ്യമിതാണ്.... ഈ കഷ്ടപ്പാടുകള്‍ക്കും ദുരിതങ്ങള്‍ക്കും സഹനങ്ങള്‍ക്കുമൊടുവില്‍, ഇതുകൊണ്ടു ഫലമുണ്ടാകുമോ....? കള്ളപ്പണം തടയാന്‍ ഈ വേല പറ്റില്ല എന്നു നേരത്തെ തന്നെ പറഞ്ഞുകഴിഞ്ഞു, അതുപോലെ തന്നെയാണ് കള്ളനോട്ടിന്റെ കാര്യവും.


ജനങ്ങളില്‍ ഭീതി നിറച്ച്, അരക്ഷിതാവസ്ഥയിലേക്ക് അവരെ തള്ളിയിട്ട്, അവരുടെ പക്കലുള്ള പണം തട്ടിപ്പറിച്ച്, അവരുടെ ജോലിയും കൂലിയും ഇല്ലാതാക്കി, മരണത്തിലേക്കും മറ്റു ദുരന്തത്തിലേക്കും അവരെ തള്ളിയിട്ടിട്ട് എന്താണു നേടിയത്..... ബാങ്കിനു മുന്നില്‍, എ ടി എമ്മിനു മുന്നില്‍ രാപകലില്ലാതെ ക്യൂ നില്‍ക്കുന്ന ജനസാഗരത്തെ നിങ്ങള്‍ ഒന്നുകൂടി കണ്ണുതുറന്നു നോക്കൂ.... അവിടെ വരിനില്‍ക്കുന്നവരില്‍ 95 ശതമാനം പേരും സാധാരണ മനുഷ്യരാണ്. കള്ളപ്പണം കൈവശം വച്ച, ധനാഡ്യരായ ആരെയും ആ ക്യൂവില്‍ നിങ്ങള്‍ക്കു കണ്ടെത്താന്‍ കഴിയില്ല.


ജോലിയും കൂലിയും കളഞ്ഞുള്ള ഈ നില്‍പ്പ് രാജ്യത്തിനു ഗുണം ചെയ്യുമോ....? മരുഭൂമിപോലെ കാലിയായി കിടക്കുന്ന കടകമ്പോളങ്ങള്‍. ഇവയില്‍ മിക്കവയും അടഞ്ഞുകിടക്കുന്നു. തുറന്നിട്ടവയില്‍ ആരും കയറുന്നുമില്ല. അവശ്യ സാധനങ്ങളല്ലാതെ ഒന്നും സാധാരണ ജനം വാങ്ങുന്നുമില്ല. ചെറിയ ചെറിയ കച്ചവടവും കൃഷിയുമായി നടന്നവരുടെയെല്ലാം അസ്ഥിവാരമിളകിക്കഴിഞ്ഞു. മോഡിയുടെ തീരുമാനത്തെ ആദ്യം പുകഴ്ത്തിവരും ചുവടുമാറിക്കഴിഞ്ഞു. വേള്‍ഡ് ബാങ്കിലെ പ്രധാന സാമ്പത്തിക ശാത്രജ്ഞന്‍ കൗശിക് ബാസുവിന്റെ അഭിപ്രായത്തില്‍, പ്രധാനമന്ത്രി മോഡിയുടെ ഈ തീരുമാനം ഗുണത്തെക്കാള്‍ അതിഭയാനകമായ ദോഷമാണ് ഉണ്ടാക്കാന്‍ പോകുന്നത്. ആര്‍ ബി ഐ മുന്‍ ഗവര്‍ണര്‍ രംഗരാജനും ബി ജെ പി എം പി സുബ്രഹ്മണ്യം സ്വാമിയും കറന്‍സി പിന്‍വലിച്ചതിനെ എതിര്‍ത്തു രംഗത്തു വന്നുകഴിഞ്ഞു. കള്ളപ്പണം നിയന്ത്രിക്കാന്‍ ഈ മാര്‍ഗ്ഗം ഒട്ടും ഫലപ്രദമല്ലെന്ന് അവര്‍ തീര്‍ത്തും വ്യക്തമാക്കിക്കഴിഞ്ഞു.


ഇന്ത്യയിലെ 90 ശതമാനം കള്ളപ്പണവും ഉള്ളത് 2 ശതമാനം ആളുകളുടെ കൈകളിലാണ്. നിയമങ്ങള്‍ കര്‍ശമായി നടപ്പാക്കി, ഈ രണ്ടുശതമാനത്തിന്റെ കൈകളില്‍ നിന്നും 90 ശതമാനം കള്ളപ്പണവും തിരിച്ചെടുക്കേണ്ടതിനു പകരം, രാജ്യത്തെ 90 ശതമാനം ജനങ്ങളെയും നരകയാതനയിലേക്കു തള്ളിയിട്ട ശേഷം അവരുടെ ദുരിതം കണ്ടു ചിരിച്ചു സംതൃപ്തിയടയുന്ന ഒരു പ്രധാനമന്ത്രി!


കള്ളപ്പണത്തിനെതിരെ കുരിശുയുദ്ധമെന്ന ഈ പ്രചാരണം ഒരു തന്ത്രമാണ്. ജനങ്ങള്‍ക്കിപ്പോള്‍ ബാങ്കിനു മുന്നില്‍ ക്യൂ നില്‍ക്കാനും തങ്ങളുടെ ജീവന്‍ നിലനിര്‍ത്തുന്നത് എങ്ങനെയെന്നുമല്ലാതെ മറ്റൊന്നിനെക്കുറിച്ചും ചിന്തിക്കാന്‍ സമയമില്ല. ഈ ദുരിതത്തിനിടയില്‍ മുങ്ങിപ്പോയ കാര്യങ്ങള്‍ എന്തെല്ലാമെന്നു നോക്കൂ.... ജെ എന്‍ യു വിദ്യാര്‍ത്ഥി നജീബ് അഹമ്മദിന്റെ തിരോധാനം, പ്രതിപക്ഷ നേതാക്കളെ അനധികൃതമായി തടഞ്ഞുവച്ചത്, ഒആര്‍ഒപി ചര്‍ച്ച, എന്‍ ഡി ടിവി ബാന്‍, ഭോപ്പാലിലെ വിവാദ വെടിവയ്പ്പ്, അങ്ങനെയങ്ങനെ എത്രയോ എത്രയോ.... ഇക്കാര്യങ്ങളെല്ലാം സാധാരണക്കാരുടെയും മാധ്യമങ്ങളുടെയും മനസില്‍ നിന്നും പൊയ്‌പ്പോയി. 



സാമ്പത്തിക അടിയന്തിരാവസ്ഥയുടെ ഗുണവശങ്ങളുടെ കണക്കെടുക്കാറായിട്ടില്ല. ചെറിയ കാലയളവിലെ പ്രതിഫലനങ്ങള്‍ വച്ച് ഇതിന്റെ ഗുണങ്ങള്‍ കണക്കാക്കാനും കഴിയില്ല. എങ്കിലും ഒന്നുമാത്രം പറയാം, ഇന്ത്യയുടെ പുരോഗതിയിലെ നാഴികക്കല്ലാണ് ഈ സാമ്പത്തിക അടിയന്തിരാവസ്ഥ എന്നാരെങ്കിലും പറഞ്ഞാല്‍, അവരുടെ മുഖത്ത് കാര്‍ക്കിച്ചു തുപ്പാനാണ് എനിക്കിഷ്ടം. നവംബര്‍ 9 നും ഡിസംബര്‍ 30 നും ഇടയില്‍, തിരിച്ചു പിടിച്ച കള്ളപ്പണത്തിന്റെയും ക്യൂ നിന്നതിലൂടെ രാജ്യത്തിനു നഷ്ടമായ വരുമാനത്തിന്റെയും യഥാര്‍ത്ഥ കണക്കുകള്‍ കേന്ദ്രസര്‍ക്കാര്‍ ജനങ്ങള്‍ക്കു മുന്നില്‍ നിരത്തണം. എന്നിട്ടേ, ഈ നോട്ടു പിന്‍വലിക്കലിന്റെ ഗുണഗണങ്ങളെപ്പറ്റി പ്രസംഗിക്കാവൂ...
Share:

Saturday, 12 November 2016

ബ്രഡ് മോഷ്ടിച്ച കുറ്റത്തിന്......




വിശന്നപ്പോള്‍ ബ്രഡ് മോഷ്ടിച്ചു. അതാണ് ഈ കുട്ടികള്‍ ചെയ്ത കുറ്റം. അപ്പോള്‍, ഈ കുഞ്ഞുങ്ങളോട് ഈ ക്രൂരത ചെയ്തവരെ എന്തുചെയ്യണം... സംഭവം എവിടെയാണ് എന്ന് അറിയില്ല. ഫേയ്‌സ് ബുക്കില്‍, മനോജ് പി നടേശന്‍ പോസ്റ്റു ചെയ്ത ഫോട്ടോ ഷെയര്‍ ചെയ്യുന്നു. ഈ ക്രൂരത ചെയ്തവര്‍ക്ക് തക്ക ശിക്ഷ കിട്ടുക തന്നെ വേണം.
Share:

FACEBOOK

Google+ Followers

AnaEzine.webs

I am the Author

Enter your email address:

Delivered by FeedBurner

Joice Media Group. Powered by Blogger.

Sponsor

"; var Fscroll = scroll.replace(/(\r\n|\n|\r)/gm," "); if ( Fscroll === "yes" ) { $(document).ready(function() { $('body').addClass('imgani'); }); $(window).bind('load resize scroll', function() { var window = $(this).height(); $('.block-image .thumb a,.feat .primeiro .feat-thumb a,.feat ul li .feat-thumb a,.related li .related-img,.roma-widget .wid-thumb a,.PopularPosts ul li img,.cmmwidget li .avatarImage img').each(function() { var qudr = .1 * $(this).height(); var omger = qudr - window + $(this).offset().top; var lom = $(document).scrollTop(); if (lom > omger) { $(this).addClass('anime'); } }); }); } //]]>

Find Us On Facebook

Awesome Video

About us

തമസില്‍ നിന്നും ജ്യോതിസിലേക്കൊരു യാത്ര... അത് അത്ര എളുപ്പമല്ലെന്ന് അറിയാതെയല്ല. എല്ലാം ഒറ്റയടിക്കു നേരെയാക്കിക്കളയാമെന്ന ആവേശമോ ഒറ്റക്കൊരു പട്ടാളത്തെ നയിക്കാമെന്ന അഹങ്കാരമോ ഇല്ല. ഉണ്ടായേക്കാവുന്ന എതിര്പ്പുാകളെയെല്ലാം മുന്നില്‍ കണ്ടുകൊണ്ടുള്ള ഒരു യാത്രതന്നെയാണിത്. ഞങ്ങള്‍ ഇവിടെ കൊളുത്തുന്നത് ചെറിയൊരു കൈത്തിരി നാളം മാത്രം. ഇതിന് ശക്തിയും ഊര്ജ്ജ്വും പകരേണ്ടത് ലക്ഷോപലക്ഷം വരുന്ന വായനക്കാരുടെ ഹൃദയത്തില്‍ നിന്നും ഉയിര്കൊ‍ള്ളുന്ന നന്മയുടെ ചെറുജ്വാലകള്‍ കൊണ്ടാണ്.

Search This Blog

Flickr

Sponsor

About Me

My Photo

Journalist with 15 years of experience. Double post graduate in Economics and Journalism. Worked with Kerala Kaumudi, McMillan Bangalore and Tech Plus Media Pvt Ltd, New Delhi. Founder of Joice Media Group. 

Contact us

Name

Email *

Message *

Translate

Video of the Day

Flickr Images

Services

The Magazine

Bonjour & Welcome

Popular Posts

Recent Posts

Enter your email address:

Delivered by FeedBurner

Unordered List

Pages

Theme Support

Definition List